ಅಯಃಕಾಂತದ ಶಿಲೆ ಲೋಹಕ್ಕೆ ಬಾಯ ಕಂಡಲ್ಲಿ ವೇದ ಸಿದ್ಧಾಂತಿ.
ಲೋಹ ಸುವರ್ಣವ ಏಗೆಯ್ದುಯೆತ್ತುವಲ್ಲಿ
ಆ ಭೇದವ ಬಲ್ಲಡೆ ಶಾಸ್ತ್ರಸಂಪದನು.
ಮರಾಳ ಕ್ಷೀರವನೀಂಟಿ ಜಲವನುಳುಹಿದ ಭೇದವ ಬಲ್ಲಡೆ ಪುರಾಣಸಂಬಂಧಿ.
ಗೋವು ಅಜ ಮುಂತಾದವು ತೃಣ ಪರ್ಣ ಗ್ರಾಸವ ಕೊಂಡು
ಪುನರಪಿಯಾಗಿ ಸವಿದಿಳಿವ ಭೇದವ ಬಲ್ಲಡೆ ಆಗಮಯುಕ್ತ.
ಇಂತೀ ಭೇದಂಗಳಲ್ಲಿ ಭೇದಿಸಿ, ಅಭೇದ್ಯವಪ್ಪ ಲಿಂಗವ ಸಾಧಿಸಿ
ಕ್ರೀಗೆ ಮಾರ್ಗ, ಅರಿವಿಂಗೆ ಆಚರಣೆ
ಉತ್ತರ ಪೂರ್ವವ ನಿಶ್ಚೈಸಿ, ನಿಜನಿಶ್ಚಯದಲ್ಲಿ ನಿಂದ ಶರಣಂಗೆ
ಮುಕ್ತ ನಿರ್ಮುಕ್ತನೆಂಬುದಿಲ್ಲ
ಚನ್ನಬಸವಣ್ಣಪ್ರಿಯ ಭೋಗಮಲ್ಲಿಕಾರ್ಜುನಲಿಂಗ ತಾನಾಗಿ.
Transliteration Ayaḥkāntada śile lōhakke bāya kaṇḍalli vēda sid'dhānti.
Lōha suvarṇava ēgeyduyettuvalli
ā bhēdava ballaḍe śāstrasampadanu.
Marāḷa kṣīravanīṇṭi jalavanuḷuhida bhēdava ballaḍe purāṇasambandhi.
Gōvu aja muntādavu tr̥ṇa parṇa grāsava koṇḍu
punarapiyāgi savidiḷiva bhēdava ballaḍe āgamayukta.
Intī bhēdaṅgaḷalli bhēdisi, abhēdyavappa liṅgava sādhisi
krīge mārga, ariviṅge ācaraṇe
uttara pūrvava niścaisi, nijaniścayadalli ninda śaraṇaṅge
mukta nirmuktanembudilla
cannabasavaṇṇapriya bhōgamallikārjunaliṅga tānāgi.
