ಸಕಲವೆಂದಲ್ಲಿ ನಿಃಕಲ, ನಿಃಕಲವೆಂದಲ್ಲಿ ಸಕಲ
ದ್ವೈತ ಅದ್ವೈತವೆಂತೆಂದಂತೆಯೆಂಬುದು ಜಗದ ವಾಗ್ವಿಲಾಸ.
ವಾಚಾರಚನೆಗಳಿಂದ ತ್ರಿಗುಣ ತ್ರಿವಿಧಮೂರ್ತಿಯ ಕಲ್ಪಿಸಿ
ದಿವಾರಾತ್ರಿಯಂತೆ ಪುನರಪಿಯಾಗಿ
ಅಳೆವುತ್ತಯಿಪ್ಪುದು ಉಮಾಪತಿಯ ಭೇದ.
ಅದು ರುದ್ರನ ಲೀಲಾಭಾವ.
ಆ ಗುಣವ ಛೇದಿಸಿ ನಿಂದಲ್ಲಿ ಹದಿನೆಂಟುದೋಷಂಗಳಿಗೆ ಹೊರಗಾಗಿ
ತ್ರಿವಿಧ ಅವತಾರಮೂರ್ತಿಗಳಿಗೆ ಒಳಗಲ್ಲದೆ
ಎಂಬತ್ತನಾಲ್ಕುಲಕ್ಷ ಜೀವಂಗಳಲ್ಲಿ ಆತ್ಮನ ಬಂಧಿಸದೆ
ಇಂತೀ ದೋಷಂಗಳಲ್ಲಿ ಸಂದಿಸದೆ
ನಿಜಾತ್ಮನ ನೆಲೆಯ ಉಚಿತವನರಿದು
ತ್ರಿವಿಧ ಬಂಧದಲ್ಲಿಯೆ ಅಲ್ಲಿ ಅಲ್ಲಿ ಇಂಬಿಟ್ಟು
ಸ್ವಯವೇ ತಾನಾಗಿರ್ದುದು ಸ್ವಯಂಭು.
ಇಂತೀ ಉಭಯಸ್ಥಲಭಾವ
ಚನ್ನಬಸವಣ್ಣಪ್ರಿಯ ಭೋಗಮಲ್ಲಿಕಾರ್ಜುನಲಿಂಗದಲ್ಲಿ.
Transliteration Sakalavendalli niḥkala, niḥkalavendalli sakala
dvaita advaitaventendanteyembudu jagada vāgvilāsa.
Vācāracanegaḷinda triguṇa trividhamūrtiya kalpisi
divārātriyante punarapiyāgi
aḷevuttayippudu umāpatiya bhēda.
Adu rudrana līlābhāva.
Ā guṇava chēdisi nindalli hadineṇṭudōṣaṅgaḷige horagāgi
Trividha avatāramūrtigaḷige oḷagallade
embattanālkulakṣa jīvaṅgaḷalli ātmana bandhisade
intī dōṣaṅgaḷalli sandisade
nijātmana neleya ucitavanaridu
trividha bandhadalliye alli alli imbiṭṭu
svayavē tānāgirdudu svayambhu.
Intī ubhayasthalabhāva
cannabasavaṇṇapriya bhōgamallikārjunaliṅgadalli.
