ಮೇಷನ ದನಿಗೇಳಿ ಹುಲಿ ಬಲಿಯ ಬೀಳ್ವಂತೆ,
ಕರ್ಣ ಹರನಿಂದ್ಯ ಗುರುನಿಂದ್ಯವ ಕೇಳುವುದು.
ಶಿವಮಂತ್ರ ಶಿವಸ್ತೋತ್ರ ಶಿವಾಗಮ ಶಿವಸೂತ್ರವ ಕೇಳದೆ
ಕರ್ಮಗುರಿಯಾಗುವದು ಈ ಶ್ರೋತ್ರೇಂದ್ರಿಯ.
ಕರಿಯು ಸ್ಪರುಶನೇಂದ್ರಿಯದಲ್ಲಿ ಮಡಿದಂತೆ,
ಪರಧನ ಪರಸ್ತ್ರೀ ಪರರನ್ನವ ಮುಟ್ಟೇನೆಂಬುದೀ ಹಸ್ತ.
ಶಿವಪೂಜೆ ಶಿವಲಿಂಗವ ಮುಟ್ಟಿ ಶಿವಜಪವನೆಣಿಸದೆ
ಅನ್ಯಕ್ಕೆ ಗುರಿಯಾಯಿತ್ತು ತ್ವಗಿಂದ್ರಿಯ.
ದೀಪವ ಕಂಡು ಮುಟ್ಟುವ ಪತಂಗನಂತೆ ನಯನೇಂದ್ರಿಯ.
ಪರಧನ ಪರಸ್ತ್ರೀಯ ಆಟ ನೋಟ ಪರಾನ್ನವ ನೋಡಿ
ಮರುಳಾಗಿ ಶಿವಲಿಂಗ ಶಿವಪೂಜೆಗೆ
ಅನಿಮಿಷದೃಷ್ಟಿಯಿಡದೆ ಕೆಡುವುದೀ ನಯನೇಂದ್ರಿಯ.
ಕೀಳುಮಾಂಸದ ಸವಿಗೆ ಗಂಟಲಗಾಣವ ಬೀಳುವ ಮೀನಿನಂತೆ ಜಿಹ್ವೇಂದ್ರಿಯ.
ಹರನಿಂದೆ ಗುರುನಿಂದೆ ಪರನಿಂದ್ಯವ ಮಾಡಿ,
ಕಾಳಗವಾರ್ತೆಯನಾಡಿ,
ಪುರಾತರ ವಚನ ಶಿವಸ್ತುತ್ಯ ಶಿವಮಂತ್ರ
ಶಿವಾಗಮವನೋದದೆ
ಕರ್ಮಕ್ಕೆ ಗುರಿಯಾಗುವದೀ ಜಿಹ್ವೇಂದ್ರಿಯ.
ಕಂದ:
ಶ್ರೀಕಂಠ ಶಿವನ ನೆನೆಯದೆ
ಲೌಕಿಕ ವಾರ್ತೆಯನೆ ಪೊರಹುತ್ತಿರ್ದಪುದೆನ್ನೀ
ಬಾಕುಳಿಕ ಜಿಹ್ವೆಯಿದರಿಂ
ನಾ ಕರ ನೊಂದೆ ಪ್ರಸನ್ನಶಂಕರಲಿಂಗ | 1 |
ಎನ್ನಯ ನಾಲಿಗೆಯ ನಿಮ್ಮಯ
ಮನ್ನಣೆಯ ಮಹಾನುಭಾವಿಗಳ ಚರಣಕ್ಕಂ
ಹೊನ್ನಹಾವುಗೆಯ ಮಾಡೆಲೆ
ಪನ್ನಗಕಟಕಾ ಪ್ರಸನ್ನಶಂಕರಲಿಂಗ | 2 |
ಕಾಳಗದ ವಾರ್ತೆಯಂ ಸ್ಮರ
ಲೀಲೆಯ ಪದಗಳ ಗಳಹುತಿರ್ದಪುದೆನ್ನೀ.
ನಾಲಗೆಯಂ ಬೇರುಸಹಿತಂ
ಕೀಳುವರಿಲ್ಲಾ ಪ್ರಸನ್ನಶಂಕರಲಿಂಗ | 3 |
ಈ ತೆರದಿ ಸಂಪಿಗೆಯ ಕುಸುಮದ
ಪರಿಮಳಕೆರ[ಗಿ]ದಳಿ ಮೃತವಾದಂತೆ
ನಾಸಿಕೇಂದ್ರಿಯ ಮಾಯಾದುರ್ಗಂಧಚಂದನವಾಸನೆಗೆಳಸಿ
ಸ್ವಾನುಭಾವಸದ್ವಾಸನೆಯ ಮರೆದು
ಕರ್ಮಕ್ಕೆ ಗುರಿಯಾಯಿತ್ತೀ ಘ್ರಾಣೇಂದ್ರಿಯ.
ಇಂತೀ ಪಂಚೇಂದ್ರಿಯಂಗಳೆಂಬ ಶುನಿ ಕಂಡಕಡೆಗೆ ಹರಿದು
ಭಂಗಬಡಿಸಿ ಕಾಡುತಿದೆ, ಇವಕಿನ್ನೆಂತೊ ಶಿವಶಿವ,
ಇವಕ್ಕಿನ್ನೆಂತೊ ಹರಹರ.
ಇವ ನಿರಸನವ ಮಾಡೇನೆಂದರೆನ್ನಳವಲ್ಲ,
ನಿಮ್ಮ ಧರ್ಮ ಕಾಯೋ ಕಾಯೋ
ಪರಮಗುರು ಪಡುವಿಡಿ ಸಿದ್ಧಮಲ್ಲಿನಾಥಪ್ರಭುವೆ.
Transliteration Mēṣana danigēḷi huli baliya bīḷvante,
karṇa haranindya gurunindyava kēḷuvudu.
Śivamantra śivastōtra śivāgama śivasūtrava kēḷade
karmaguriyāguvadu ī śrōtrēndriya.
Kariyu sparuśanēndriyadalli maḍidante,
paradhana parastrī pararannava muṭṭēnembudī hasta.
Śivapūje śivaliṅgava muṭṭi śivajapavaneṇisade
an'yakke guriyāyittu tvagindriya.
Dīpava kaṇḍu muṭṭuva pataṅganante nayanēndriya.
Paradhana parastrīya āṭa nōṭa parānnava nōḍi
maruḷāgi śivaliṅga śivapūjege
animiṣadr̥ṣṭiyiḍade keḍuvudī nayanēndriya.Kīḷumānsada savige gaṇṭalagāṇava bīḷuva mīninante jihvēndriya.
Haraninde guruninde paranindyava māḍi,
kāḷagavārteyanāḍi,
purātara vacana śivastutya śivamantra
śivāgamavanōdade
karmakke guriyāguvadī jihvēndriya.
Kanda:
Śrīkaṇṭha śivana neneyade
laukika vārteyane porahuttirdapudennī
bākuḷika jihveyidariṁ
nā kara nonde prasannaśaṅkaraliṅga | 1 |
Ennaya nāligeya nim'maya
mannaṇeya mahānubhāvigaḷa caraṇakkaṁ
honnahāvugeya māḍele
pannagakaṭakā prasannaśaṅkaraliṅga | 2 |
kāḷagada vārteyaṁ smara
līleya padagaḷa gaḷahutirdapudennī.
Nālageyaṁ bērusahitaṁ
kīḷuvarillā prasannaśaṅkaraliṅga | 3 |
ī teradi sampigeya kusumada
parimaḷakera[gi]daḷi mr̥tavādante
nāsikēndriya māyādurgandhacandanavāsanegeḷasi
svānubhāvasadvāsaneya maredu
karmakke guriyāyittī ghrāṇēndriya.
Intī pan̄cēndriyaṅgaḷemba śuni kaṇḍakaḍege haridu
bhaṅgabaḍisi kāḍutide, ivakinnento śivaśiva,
Ivakkinnento harahara.
Iva nirasanava māḍēnendarennaḷavalla,
nim'ma dharma kāyō kāyō
paramaguru paḍuviḍi sid'dhamallināthaprabhuve.
