ಧ್ಯಾನಕೆಲ್ಲ ಮೂಲ ಗುರುವಿನ ಮೂರ್ತಿ ಕಾಣಿರೊ!
ಪೂಜೆಗೆಲ್ಲ ಮೂಲ ಗುರುವಿನ ಪಾದ ಕಾಣಿರೋ!
ಮಂತ್ರಕೆಲ್ಲ ಮೂಲ ಗುರುವಿನ ವಾಕ್ಯ ಕಾಣಿರೋ!
ಮುಕ್ತಿಗೆಲ್ಲ ಮೂಲ ಗುರುವಿನ ಕೃಪೆ ಕಾಣಿರೋ!
ಗುರು ಹೇಳಿದಂತಿಹುದೆ ವೇದಾಗಮಶಾಸ್ತ್ರ ಕಾಣಿರೋ!
ಸಾಕ್ಷಿ:
ಧ್ಯಾನಮೂಲಂ ಗುರೋರ್ಮೂರ್ತಿಃ ಪೂಜಾಮೂಲಂ ಗುರೋಃ ರ್ಪದಂ |
ಮಂತ್ರಮೂಲಂ ಗುರೋರ್ವಾಕ್ಯಂ | ಮುಕ್ತಿಮೂಲಂ ಗುರೋಃ ಕೃಪಾ ||''
ಎಂದುದಾಗಿ,
ಗುರುಮೂರ್ತಿಯ ಧ್ಯಾನದಲ್ಲಿ ನೀನೇಯಾದೆ,
ಅನ್ಯವ ಧ್ಯಾನಿಸುವ ಅಜ್ಞಾನಿ ನೀ ಕೇಳಾ.
ಗುರುಪಾದಪೂಜೆಯ ಮಾಡದೆ ಅನ್ಯಪೂಜೆಯ ಮಾಡುವ
ಅಧಮ ಚಾಂಡಾಲಿ ಮಾನವ ನೀ ಕೇಳಾ.
ಗುರುಮಂತ್ರವ ಜಪಿಸದೆ ಅನ್ಯಮಂತ್ರವ ಜಪಿಸುವ
ಅನಾಮಿಕ ಹೊಲೆಯ ನೀ ಕೇಳಾ.
ಗುರುಕೃಪೆಯ ಪಡೆಯದೆ
ಅನ್ಯದೈವದ ಕೃಪೆಯ ಪಡೆದೆನೆಂಬ ಪಾಪಿ ನೀ ಕೇಳಾ.
ಗುರುಕರುಣ ಕೃಪೆಯ ಪಡೆದರೆ ಹರಿದು ಹೋಹುದು
ನಿನ್ನ ಪೂರ್ವಜನ್ಮದ ಹೊಲೆ.
ಗುರುವನರಿಯದೆ, ಲಿಂಗವನರಿಯದೆ, ಜಂಗಮವನರಿಯದೆ,
ಅನ್ಯದೈವ ಕೊಟ್ಟಿತೆಂದು ಅನ್ಯವ ಹೊಗಳಿದರೆ
ಎಂದೆಂದಿಗೂ ಭವಹಿಂಗದೆಂದಾತ
ನಮ್ಮ ಪರಮಗುರು ಪಡುವಿಡಿ ಸಿದ್ಧಮಲ್ಲಿನಾಥಪ್ರಭುವೆ.
Transliteration Dhyānakella mūla guruvina mūrti kāṇiro!
Pūjegella mūla guruvina pāda kāṇirō!
Mantrakella mūla guruvina vākya kāṇirō!
Muktigella mūla guruvina kr̥pe kāṇirō!
Guru hēḷidantihude vēdāgamaśāstra kāṇirō!
Sākṣi:
Dhyānamūlaṁ gurōrmūrtiḥ pūjāmūlaṁ gurōḥ rpadaṁ |
mantramūlaṁ gurōrvākyaṁ | muktimūlaṁ gurōḥ kr̥pā ||''
endudāgi,
gurumūrtiya dhyānadalli nīnēyāde,
an'yava dhyānisuva ajñāni nī kēḷā.
Gurupādapūjeya māḍade an'yapūjeya māḍuva
adhama cāṇḍāli mānava nī kēḷā.
Gurumantrava japisade an'yamantrava japisuva
anāmika holeya nī kēḷā.
Gurukr̥peya paḍeyade
an'yadaivada kr̥peya paḍedenemba pāpi nī kēḷā.
Gurukaruṇa kr̥peya paḍedare haridu hōhudu
ninna pūrvajanmada hole.
Guruvanariyade, liṅgavanariyade, jaṅgamavanariyade,
an'yadaiva koṭṭitendu an'yava hogaḷidare
endendigū bhavahiṅgadendāta
nam'ma paramaguru paḍuviḍi sid'dhamallināthaprabhuve.
