ಉರಿಲಿಂಗಪೆದ್ದಿ   
  •  
  •  
  •  
  •  


Index   ವಚನ - 199    Search  
 
ಭಕ್ತಕಾಯ ಮಮಕಾಯ ಕಂಡಾ ಲಿಂಗವು, ಲಿಂಗವಂತಂಗೆ ಏಕಿನ್ನು ಬೇರೆ ಚಿಂತೆ? ಲಿಂಗವಂತಂಗೆ ಗುರು ಲಿಂಗ ಪ್ರಾಣ ಏಕವಾಗಿ, ಪ್ರಾಣಲಿಂಗವಾಗಿ ಅಂತರಂಗ ಬಹಿರಂಗಭರಿತನಾಗಿ, ಪ್ರಾಣಲಿಂಗವಾಗಿ ಅಂಗದ ಮೇಲೆ ಲಿಂಗಸ್ವಾಯತವಾಗಿ ನಿರಂತರ ಇಪ್ಪ ಕಂಡಾ. ಏಕಿನ್ನು ಬೇರೆ ಅನ್ಯರಾಸೆ! ಲಿಂಗವಂತರು ಲಿಂಗವನೇ ಚಿಂತಿಸುವುದು, ಲಿಂಗವನೇ ಆಸಗೈವುದು ಲಿಂಗವನೇ ಕೊಂಬುದು, ಲಿಂಗವಂತರಿಗೆ ಕೊಡುವುದು. ಲಿಂಗವಂತಂಗೆ ಅನುವಿದು, ಆಯತವಿದು, ಬುದ್ಧಿಯಿದು, ಸಿದ್ಧಿಯಿದು, ಮುಕ್ತಿಯಿದು, ಯುಕ್ತಿಯಿದು ಉರಿಲಿಂಗಪೆದ್ದಿಪ್ರಿಯ ವಿಶ್ವೇಶ್ವರಾ.
Transliteration Bhaktakāya mamakāya kaṇḍā liṅgavu, liṅgavantaṅge ēkinnu bēre cinte? Liṅgavantaṅge guru liṅga prāṇa ēkavāgi, prāṇaliṅgavāgi antaraṅga bahiraṅgabharitanāgi, prāṇaliṅgavāgi aṅgada mēle liṅgasvāyatavāgi nirantara ippa kaṇḍā. Ēkinnu bēre an'yarāse! Liṅgavantaru liṅgavanē cintisuvudu, liṅgavanē āsagaivudu liṅgavanē kombudu, liṅgavantarige koḍuvudu. Liṅgavantaṅge anuvidu, āyatavidu, bud'dhiyidu, sid'dhiyidu, muktiyidu, yuktiyidu uriliṅgapeddipriya viśvēśvarā.