ಕತ್ತಲೆ ಭೂತಳದ ವರ್ತಮಾನಕ್ಕೆ ಹೇಸಿ ಮನ ಓತು
ಸುಚಿತ್ತ ನಿರ್ವಾಣದಾಸೋಹಮಂ ಕೈವಿಡಿದೆನಮ್ಮಾ
ಎನ್ನ ತನುವೇ ವನಿತೆ ಕರಣಂಗಳೇ ದ್ರವ್ಯ
ಉರವಣಿಸಿದ ಭಕ್ತಿ ಇಂತೀ ತ್ರಿವಿದ ಪದಾರ್ಥಗಳಂ ಹಿಡಿದು
ಗಣಂಗಳ ಮುಂದೆ ಕರಪಾತ್ರೆಯೆಂಬ ಕಾಯಕಮಂ ಕಟ್ಟಿದೆ.
ಎನ್ನ ಸಮಯಾಚಾರಕ್ಕೆ ಸ್ಮಶಾನ ಮಂಟಪದಲ್ಲಿ ಗುರುವ ತಡೆದೆ
ಹೃದಯಮಂಟಪದಲ್ಲಿಹ ಜಂಗಮವ ತಡೆದೆ
ಎನ್ನ ಸ್ವಯ ಕಾಯಕಮಂ ತಂದು
ರೂಪು ಪದಾರ್ಥಗಳಂ ನಿರ್ಭಾವ ಪರಿಯಾಣದಲ್ಲಿ ಗಡಣಿಸಿ
ಗುರುವಿನ ಮುಂದಿಕ್ಕಿದೆ.
ರುಚಿ ಪದಾರ್ಥಂಗಳಂ ಸುಮನ ಪರಿಯಾಣದಲ್ಲಿ ಗಡಣಿಸಿ
ಜಂಗಮದ ಮುಂದಿಕ್ಕಿದೆ.
ತೃಪ್ತಿ ಪದಾರ್ಥಂಗಳಂ ಭಾವದ ಪರಿಯಾಣದಲ್ಲಿ ಗಡಣಿಸಿ
ಲಿಂಗದ ಮುಂದಿಕ್ಕಿದೆ.
ಇಂತೀ ನಿರಂಜನ ಗುರು ಲಿಂಗ ಜಂಗಮ ಸವಿದು
ಒಕ್ಕು ಮಿಕ್ಕ ತ್ರಿವಿಧಪ್ರಸಾದವನುಂಡು
ತ್ರಿವಿಧಕರ್ಮ ನಾಸ್ತಿಯಾಗಿ ನಾನು ಬದುಕಿದೆನಮ್ಮ,
ಘನಲಿಂಗಿಯ ಮೋಹದ ಚೆನ್ನಮಲ್ಲಿಕಾರ್ಜುನ.
Transliteration Kattale bhūtaḷada vartamānakke hēsi mana ōtu
sucitta nirvāṇadāsōhamaṁ kaiviḍidenam'mā
enna tanuvē vanite karaṇaṅgaḷē dravya
uravaṇisida bhakti intī trivida padārthagaḷaṁ hiḍidu
gaṇaṅgaḷa munde
karapātreyemba kāyakamaṁ kaṭṭide.
Enna samayācārakke smaśāna maṇṭapadalli guruva taḍede
hr̥dayamaṇṭapadalliha jaṅgamava taḍede
enna svaya kāyakamaṁ tandu
rūpu padārthagaḷaṁ nirbhāva pariyāṇadalli gaḍaṇisi
guruvina mundikkide.
Ruci padārthaṅgaḷaṁ sumana pariyāṇadalli gaḍaṇisi
jaṅgamada mundikkide.
Tr̥pti padārthaṅgaḷaṁ bhāvada pariyāṇadalli gaḍaṇisi
liṅgada mundikkide.
Intī niran̄jana guru liṅga jaṅgama savidu
okku mikka trividhaprasādavanuṇḍu
trividhakarma nāstiyāgi nānu badukidenam'ma,
ghanaliṅgiya mōhada cennamallikārjuna.
