ಮೂಡಣಗಿರಿಯಲ್ಲಿ ಸೂರ್ಯನುದಯವಾಗಲು
ಮುಂದಣ ಕೇರಿಯ ಕೋಳಿ ಕೂಗುತ್ತದೆ ನೋಡಾ.
ಕೋಳಿಯ ದನಿಗೇಳುತ್ತ ಆ ಲೋಕದ ಪ್ರಾಣಿಗಳು
ಪ್ರಣಮನಂಗೈಯ್ವುತ್ತಿಪ್ಪರು.
ಕೋಳಿ ಸತ್ತಿತ್ತು, ಕೂಗು ಅಡಗಿತ್ತು.
ಪ್ರಣಮನಂಗೆಯ್ವುತ್ತಿಪ್ಪ ಪ್ರಾಣಿಗಳೆಲ್ಲರು ಪ್ರಳಯವಾದುದ ಕಂಡು
ಲೋಕಾಲೋಕದ ತೋರಿಕೆ ಏಕಾಕಾರವಾಯಿತ್ತು.
ಅನುಪಮ ಲಿಂಗೈಕ್ಯಂಗೆ ಲೋಕ ಭ್ರಮೆಯುಂಟೆ?
ನಿಭ್ರಾಂತನಾದ ನಿತ್ಯನಿರಂಜನನಿಗಿನ್ನೆತ್ತಳ ರಂಜನೆ ಹೇಳಾ?
ಮಹಾಲಿಂಗಗುರು ಶಿವಸಿದ್ಧೇಶ್ವರ ಪ್ರಭುವೇ.
Transliteration Mūḍaṇagiriyalli sūryanudayavāgalu
mundaṇa kēriya kōḷi kūguttade nōḍā.
Kōḷiya danigēḷutta ā lōkada prāṇigaḷu
praṇamanaṅgaiyvuttipparu.
Kōḷi sattittu, kūgu aḍagittu.
Praṇamanaṅgeyvuttippa prāṇigaḷellaru praḷayavāduda kaṇḍu
lōkālōkada tōrike ēkākāravāyittu.
Anupama liṅgaikyaṅge lōka bhrameyuṇṭe?
Nibhrāntanāda nityaniran̄jananiginnettaḷa ran̄jane hēḷā?
Mahāliṅgaguru śivasid'dhēśvara prabhuvē.
