ಬಸವಣ್ಣನ ಪ್ರಸಾದದಿಂದ ಭಕ್ತಿಜ್ಞಾನ ವೈರಾಗ್ಯ ಸಂಪನ್ನನಾದೆನಯ್ಯ.
ಚೆನ್ನಬಸವಣ್ಣನ ಪ್ರಸಾದದಿಂದ ಷಟ್‍ಸ್ಥಲಜ್ಞಾನಸಂಪನ್ನನಾದೆನಯ್ಯ.
ಪ್ರಭುದೇವರ ಪ್ರಸಾದದಿಂದ ಪರಶಿವತತ್ವ ಸ್ವರೂಪವೇ
ಎನ್ನ ಸ್ವರೂಪವೆಂದರಿದು
ಸಮಸ್ತ ಸಂಸಾರಪ್ರಪಂಚ ಕೊಡಹಿದೆನು ನೋಡಾ.
ನೀಲಲೋಚನೆಯಮ್ಮನ ಪ್ರಸಾದದಿಂದ ನಿಜಲಿಂಗೈಕ್ಯನಾದೆನಯ್ಯ.
ಮಹಾದೇವಿಯಕ್ಕಗಳ ಪ್ರಸಾದದಿಂದ
ಸುತ್ತಿದ ಮಾಯಾಪಾಶವ ಹರಿದು ನಿರ್ಮಾಯನಾಗಿ
ನಿರ್ವಾಣಪದದಲ್ಲಿ ನಿಂದೆನಯ್ಯ.
ಸಿದ್ಧರಾಮಯ್ಯನ ಪ್ರಸಾದದಿಂದ
ಶುದ್ಧ ಶಿವತತ್ವವ ಹಡೆದೆನಯ್ಯ.
ಮೋಳಿಗೆಯ ಮಾರಿತಂದೆಗಳ ಪ್ರಸಾದದಿಂದ
ಕಾಯದ ಕಳವಳನಳಿದು ಕರ್ಮನಿರ್ಮಲನಾಗಿ
ವೀರಮಾಹೇಶ್ವರನಾದೆನು ನೋಡಾ.
ಇವರು ಮುಖ್ಯವಾದ ಏಳುನೂರೆಪ್ಪತ್ತುಮರಗಣಂಗಳ
ಪರಮಪ್ರಸಾದದಿಂದ
ಎನ್ನ ಕರಣಂಗಳೆಲ್ಲವು ಲಿಂಗಕರಣಂಗಳಾಗಿ
ಕರಣೇಂದ್ರಿಯಂಗಳ ಕಳೆದುಳಿದು
ಇಂದ್ರಿಯಂಗಳಿಗೆ ನಿಲುಕದ ಸ್ಥಾನದಲ್ಲಿರ್ದು
ಪರಮಾನಂದ ಪ್ರಭಾಮಯನಾಗಿರ್ದೆನು ನೋಡಾ.
ನಿಮ್ಮ ಶರಣರ ಪ್ರಸಾದದಿಂದ ನಾನು
ಪ್ರಸಾದಿಯಾಗಿರ್ದೆನು ನೋಡಾ,
ಮಹಾಲಿಂಗಗುರು ಶಿವಸಿದ್ಧೇಶ್ವರ ಪ್ರಭುವೇ.
Transliteration Basavaṇṇana prasādadinda bhaktijñāna vairāgya sampannanādenayya.
Cennabasavaṇṇana prasādadinda ṣaṭsthalajñānasampannanādenayya.
Prabhudēvara prasādadinda paraśivatatva svarūpavē
enna svarūpavendaridu
samasta sansāraprapan̄ca koḍahidenu nōḍā.
Nīlalōcaneyam'mana prasādadinda nijaliṅgaikyanādenayya.
Mahādēviyakkagaḷa prasādadinda
suttida māyāpāśava haridu nirmāyanāgi
nirvāṇapadadalli nindenayya.
Sid'dharāmayyana prasādadinda
śud'dha śivatatvava haḍedenayya.
Mōḷigeya māritandegaḷa prasādadinda
kāyada kaḷavaḷanaḷidu karmanirmalanāgi
vīramāhēśvaranādenu nōḍā.
Ivaru mukhyavāda ēḷunūreppattumaragaṇaṅgaḷa
paramaprasādadinda
enna karaṇaṅgaḷellavu liṅgakaraṇaṅgaḷāgi
Karaṇēndriyaṅgaḷa kaḷeduḷidu
indriyaṅgaḷige nilukada sthānadallirdu
paramānanda prabhāmayanāgirdenu nōḍā.
Nim'ma śaraṇara prasādadinda nānu
prasādiyāgirdenu nōḍā,
mahāliṅgaguru śivasid'dhēśvara prabhuvē.
