ತನ್ನ ತಾ ಬಂದುದ ಸೋಂಕಿಲ್ಲದುದ ವಿಚಾರಿಸಿ,
ತನ್ನನುವಿಂಗೆ ಬಂದುದ ಕೈಕೊಂಬುದು,
ಬಾರದ ದ್ರವ್ಯಕ್ಕೆ ಭ್ರಮೆಯಿಲ್ಲದೆ
ಚಿತ್ತದೋರದಿಪ್ಪುದು ಭರಿತಾರ್ಪಣ.
ಅರ್ಪಿತವ ಮುಟ್ಟಿ ಅನರ್ಪಿತವ ಜಾಗ್ರ ಸ್ವಪ್ನದಲ್ಲಿ
ಮುಟ್ಟದಿಪ್ಪುದು ಭರಿತಾರ್ಪಣ.
ಲಿಂಗಕ್ಕೆ ಸಲ್ಲದುದ ಇರಿಸದೆ,
ಸಲುವಷ್ಟನೆ ಅರ್ಪಿತವ ಮಾಡಿ,
ಮುಂದಣ ಸಂದೇಹವ ಮರೆದು,
ಹಿಂದಣ ಸೋಂಕನರಿದು,
ಉಭಯದ ಖಂಡಿತವ ಖಂಡಿಸಿ
ನಿಂದುದು ಭರಿತಾರ್ಪಣ.
ಹೀಗಲ್ಲದೆ, ಭಾಷೆಗೂಳಿನ ಭಟರಂತೆ,
ಓಗರ ಮೇಲೋಗರದಾಸೆಗೆ
ಲೇಸಿನ ದ್ರವ್ಯಕ್ಕೆ ಆಸೆ ಮಾಡಲಿಲ್ಲ.
ಬಂದುದ ಕೈಕೊಂಡು ಸಂದನಳಿದು
ನಿಂದುದೆ ಭರಿತಾರ್ಪಣ.
ಆಚಾರವೆ ಪ್ರಾಣವಾದ ರಾಮೇಶ್ವರಲಿಂಗಕ್ಕೆ
ಕ್ರೀ ಭಾವದ ಭೇದ.
Transliteration Tanna tā banduda sōṅkilladuda vicārisi,
tannanuviṅge banduda kaikombudu,
bārada dravyakke bhrameyillade
cittadōradippudu bharitārpaṇa.
Arpitava muṭṭi anarpitava jāgra svapnadalli
muṭṭadippudu bharitārpaṇa.
Liṅgakke salladuda irisade,
saluvaṣṭane arpitava māḍi,
mundaṇa sandēhava maredu,
hindaṇa sōṅkanaridu,
ubhayada khaṇḍitava khaṇḍisi
nindudu bharitārpaṇa.
Hīgallade, bhāṣegūḷina bhaṭarante,
ōgara mēlōgaradāsege
lēsina dravyakke āse māḍalilla.
Banduda kaikoṇḍu sandanaḷidu
nindude bharitārpaṇa.
Ācārave prāṇavāda rāmēśvaraliṅgakke
krī bhāvada bhēda.
