ವ್ರತ ನೇಮ ಶೀಲಮಂ ಮಾಡಿಕೊಂಡು,
ಸಮಯಾಚಾರದಲ್ಲಿ ನಡೆದೆನೆಂಬ
ಭಕ್ತನ ಕ್ರಮವೆಂತೆಂದಡೆ:
ತಾನು ಭೋಗಿಸುವಂತಹ ಸಕಲದ್ರವ್ಯಂಗಳೆಲ್ಲವನು,
ಜಂಗಮಕ್ಕೆ ಕೊಟ್ಟು ತಾನು ಕೊಳಬೇಕು.
ಅವಾವೆಂದಡೆ:
ಮಜ್ಜನ, ಭೋಜನ, ಅಂದಣ, ಸತ್ತಿಗೆ, ಚಾಮರ, ಆನೆ, ಕುದುರೆ,
ಕನ್ನಡಿ, ಪರಿಮಳ, ಲೇಪನ, ಗಂಧ, ಅಕ್ಷತೆ, ವಸ್ತ್ರ, ರತ್ನಾಭರಣ,
ತಾಂಬೂಲ, ಮೆಟ್ಟಡಿ ಮಂಚ, ಸುಪ್ಪತ್ತಿಗೆ,
ಒಡೆಯರಿಗೆ ಆಯಿತೆಂಬುದ ಕೇಳಿ,
ಆ ಒಡೆಯನ ವಾಕ್ಯಪ್ರಸಾದದಿಂದ, ಮಹಾಪ್ರಸಾದವೆಂದು
ಎಲ್ಲ ವ್ರತಂಗಳಿಗೆಯೂ ಜಂಗಮ ಪ್ರಸಾದವೆ ಪ್ರಾಣ;
ಎಲ್ಲ ನೇಮಕ್ಕೆಯೂ ಜಂಗಮದರ್ಶನವ ನೇಮ;
ಎಲ್ಲ ಶೀಲಕ್ಕೆಯೂ ಜಂಗಮದ ಮಾಟವೆ ಶೀಲ;
ಎಲ್ಲ ವ್ರತ ನೇಮ ಶೀಲಂಗಳೆಲ್ಲವು
ಜಂಗಮವ ಮುಂದಿಟ್ಟು ಶುದ್ಧತೆಯಹ ಕಾರಣ,
ಆ ಜಂಗಮದಲ್ಲಿ ಅರ್ಥ, ಪ್ರಾಣ, ಅಭಿಮಾನ ಮುಂತಾದ
ಈ ಮೂರಕ್ಕು ಕಟ್ಟು ಮಾಡಿದೆನಾದಡೆ ಎನಗೆ ದ್ರೋಹ.
ಆ ಜಂಗಮದ ದರ್ಶನದಿಂದವೆ
ಸಕಲದ್ರವ್ಯಂಗಳು ಪವಿತ್ರವು;
ಆ ಜಂಗಮ ಪ್ರಸಾದದಿಂದವೆ ಮಹಾಘನಲಿಂಗಕ್ಕೆ ತೃಪ್ತಿ.
ಆ ಜಂಗಮದ ಪಾದತೀರ್ಥದಿಂದವೆ
ಮಹಾಘನಲಿಂಗಕ್ಕೆ ಜೀವಕಳೆ.
ಇಷ್ಟನರಿದ ಬಳಿಕ ಜಂಗಮಲಿಂಗಕ್ಕೆ
ಸಂದೇಹವ ಮಾಡಿದೆನಾದಡೆ
ಎನಗೆ ಕುಂಭೀಪಾತಕ ನಾಯಕನರಕ ತಪ್ಪದು.
ಈ ಜಂಗಮದ ಭಕ್ತಿ ಕಿಂಚಿತ್ತು ಕೊರತೆ ಇಲ್ಲದ ಹಾಗೆ
ಜೀವವುಳ್ಳ ಪರಿಯಂತರ
ಇದೆ ಆಚಾರವಾಗಿ, ಇದೇ ಪ್ರಾಣವಾಗಿ ನಡೆದು,
ಆಚಾರವೆ ಪ್ರಾಣವಾದ
ರಾಮೇಶ್ವರಲಿಂಗವನೊಡಗೂಡುವೆನು.
Transliteration Vrata nēma śīlamaṁ māḍikoṇḍu,
samayācāradalli naḍedenemba
bhaktana kramaventendaḍe:
Tānu bhōgisuvantaha sakaladravyaṅgaḷellavanu,
jaṅgamakke koṭṭu tānu koḷabēku.
Avāvendaḍe:
Majjana, bhōjana, andaṇa, sattige, cāmara, āne, kudure,
kannaḍi, parimaḷa, lēpana, gandha, akṣate, vastra, ratnābharaṇa,
Tāmbūla, meṭṭaḍi man̄ca, suppattige,
oḍeyarige āyitembuda kēḷi,
ā oḍeyana vākyaprasādadinda, mahāprasādavendu
ella vrataṅgaḷigeyū jaṅgama prasādave prāṇa;
ella nēmakkeyū jaṅgamadarśanava nēma;
ella śīlakkeyū jaṅgamada māṭave śīla;
ella vrata nēma śīlaṅgaḷellavu
jaṅgamava mundiṭṭu śud'dhateyaha kāraṇa,
ā jaṅgamadalli artha, prāṇa, abhimāna muntāda
ī mūrakku kaṭṭu māḍidenādaḍe enage drōha.
Ā jaṅgamada darśanadindave
Sakaladravyaṅgaḷu pavitravu;
ā jaṅgama prasādadindave mahāghanaliṅgakke tr̥pti.
Ā jaṅgamada pādatīrthadindave
mahāghanaliṅgakke jīvakaḷe.
Iṣṭanarida baḷika jaṅgamaliṅgakke
sandēhava māḍidenādaḍe
enage kumbhīpātaka nāyakanaraka tappadu.
Ī jaṅgamada bhakti kin̄cittu korate illada hāge
jīvavuḷḷa pariyantara
ide ācāravāgi, idē prāṇavāgi naḍedu,
ācārave prāṇavāda
rāmēśvaraliṅgavanoḍagūḍuvenu.
