ಮಾಡಿ ನೀಡಿ ಲಿಂಗವ ಪೂಜಿಸಿಹೆನೆಂಬವರು ನೀವೆಲ್ಲಾ ಕೇಳಿರಣ್ಣಾ:

ಮಾಡಿ ನೀಡಿ ಲಿಂಗವ ಪೂಜಿಸಿಹೆನೆಂಬವರು ನೀವೆಲ್ಲಾ ಕೇಳಿರಣ್ಣಾ: ಹಾಗದ ಕೆರಹ ಹೊರಗೆ ಕಳೆದು, ದೇಗುಲಕ್ಕೆ ಹೋಗಿ ದೇವರಿಗೆ ನಮಸ್ಕಾರವ ಮಾಡುವನಂತೆ- ತನ್ನ ಕೆರಹಿನ ಧ್ಯಾನವಲ್ಲದೆ ದೇವರ ಧ್ಯಾನವಿಲ್ಲಾ! ಧನವನಿರಿಸದಿರಾ, ಇರಿಸಿದರೆ ಭವ ಬಪ್ಪುದು ತಪ್ಪದು! ಕೂಡಸಂಗನ ಶರಣರಿಗೆ ಸವೆಸಲೇಬೇಕು.

Music

Courtesy:

Video

Transliteration Māḍi nīḍi liṅgava pūjisihenembavaru nīvellā kēḷiraṇṇā: Hāgada keraha horage kaḷedu, dēgulakke hōgi dēvarige namaskārava māḍuvanante- tanna kerahina dhyānavallade dēvara dhyānavillā! Dhanavanirisadirā, irisidare bhava bappudu tappudu! Kūḍasaṅgana śaraṇarige savesalēbēku.

Hindi Translation विधिवत् हमने लिंगपूजा की- कहनेवाले भाइयों, तुम सब सुनो चार पैसे के जूते बाहर छोड मंदिर में देव को नमस्कार करनेवाले की भाँति- उसे अपने जूते का ध्यान न कि देव का धनसंचय मत करो-, करने पर भव से मुक्ति नहीं, उसे कूडलसंगमदेव के शरणों पर व्यय करना ही होगा ॥ Translated by: Banakara K Gowdappa

English Translation Listen, O brother! all who claim To have worshipped Liṅga With ritual and with offering. Even as the man Who enters a temple to greet his god, Doffing his twopenny shoes outside- With his mind fixed upon his shoes, He cannot concentrate upon his god ! Do not save up your wealth, for if you do, Rebirth shall come unfailingly! You ought to spend it on Kūḍala Saṅga's Śaraṇās Translated by: L M A Menezes, S M Angadi

Tamil Translation செய்து, அளித்து இலிங்கத்தைத் தொழுவேமெனும் யாவரும் கேளிர் பணமீந்த செருப்பைப் புறம்பே களைந்து கோயிலிற்குச் சென்று வணங்குதற் போல தன் செருப்பின் மீதே நாட்டம், கடவுள்மீது நாட்டமில்லை. பொருளைச் சேமியாதீர், சேமிப்பின் பிறப்ப துறுதியையனே. Translated by: Smt. Kalyani Venkataraman, Chennai

Telugu Translation చేసి పెట్టి పూజించితి మంటిరే వినుడయ్యా? మీ రెల్ల; కడప చెంత చెప్పులు విడిచి అలయమున కేగి సాష్టాంగము సల్పినట్లేనయ్యా! చెప్పుల పై గాని శివునిపై ధ్యానము లేదయ్యా: కూర్పకురా ద్రవ్యము కూర్చితివా భవంబు తప్పదురా కూడల సంగమదేవా! Translated by: Dr. Badala Ramaiah

Urdu Translation آپ سب لوگ یہ توکہتے ہیں ہم نے پوجا ہے لِنگ کو لیکن جب بھی داخل ہوئے ہومندرمیں ہاتھ جب بھی اُٹھے دُعا کے لیے دھیان اُس کی طرف نہ تھا ہرگز تھی فقط فکراپنی چپّل کی اس لیےسب سےمیں یہ کہتا ہوں کوئی دولت کےپھیرمیں نہ رہے ورنہ اہل ِجہاں ستائیں گے کوڈلا سنگما کےشر نوں پر ساری دولت نثارکردینا Translated by: Hameed Almas

ಸ್ಥಲ - ಭಕ್ತನ ಜ್ಞಾನಿಸ್ಥಲ ವಿಷಯ - ಪೂಜೆ

ಶಬ್ದಾರ್ಥಗಳು ಕೆರ = ; ಧ್ಯಾನ = ಮನನ, ಚಿಂತನ; ಭವ = ಜೀವನ; ಹಾಗ = ಒಂದು ನಾಣ್ಯ;

ಕನ್ನಡ ವ್ಯಾಖ್ಯಾನ ಕೆರವನ್ನು ಹೊರಗೆ ಇಟ್ಟು ದೇವಾಲಯದೊಳಕ್ಕೆ ಹೋಗಿ ದೇವರಿಗೆ ನಮಸ್ಕಾರ ಮಾಡುವವನ ಧ್ಯಾನವೆಲ್ಲಾ ಇಟ್ಟು ಬಂದ ಕೆರದ ಮೇಲೆಯೇ ಇರುವುದು. ಆ ಕೆರವನ್ನು ಯಾರು ಮೆಟ್ಟಿ ಕೊಂಡೊಯ್ವರೋ, ಅದೆಲ್ಲಿ ಕಳೆದು ಹೋಗುವುದೋ ಎಂಬ ಚಿಂತೆ ಆವರಿಸಿರುವುದು. ಅಂದಮೇಲೆ ದೇವರ ಧ್ಯಾನವೆಲ್ಲಿ ಬಂತು ? ಲಿಂಗಕ್ಕೆ ಪೂಜೆ ಮಾಡಿದೆನೆಂಬ, ಜಂಗಮಕ್ಕೆ ದಾಸೋಹ ನೀಡಿದೆನೆಂಬ ಕೃಪಣಧನಿಕರ ಪಾಡೂ-ಹೊರಗೆ ಕೆರ ಬಿಟ್ಟು ಒಳಗೆ ದೇವರಿಗೆ ಕೈಮುಗಿಯುವನ ಪಾಡೇ ಆಗಿರುವುದು. ಲಿಂಗಕ್ಕೆ ಮಾಡುವಾಗ, ಜಂಗಮಕ್ಕೆ ನೀಡುವಾಗ ತಾನು ಬೈಚಿಟ್ಟ ಧನವೆಲ್ಲಿ ಕೈಬಿಡುವುದೋ ಎಂಬ ಭಯ ಅವನನ್ನು ಒಳಗೊಳಗೇ ಕಾಡುತ್ತಿರುವುದು. ಅವನಿಗೆ ಹಣದ ಮೇಲೆ ನಿಗವೇ ಹೊರತು ಲಿಂಗದ ಮೇಲೆ ಭಕ್ತಿಯಿಲ್ಲ, ಜಂಗಮದ ಮೇಲೆ ಪ್ರೀತಿಯಿಲ್ಲ, ಆದುದರಿಂದಲೇ ಬಸವಣ್ಣನವರು ಭಕ್ತರಿಗೆ-“ಧನವನಿರಿಸದಿರಾ, ಇರಿಸಿದರೆ ಭವ ಬಪ್ಪುದು ತಪ್ಪದು” ಎಂದು ಎಚ್ಚರಿಸುತ್ತಿರುವರು. ಮುಂದುವರಿದು ಧನವನ್ನು “ಶರಣರಿಗೆ ಒಡನೆ ಸಲಿಸಲೆ ಬೇಕು” ಎಂದಿರುವರು. ಅವರ ಈ ಮಾತಿನಲ್ಲಿ-ಧನವನ್ನು ಧರ್ಮದಿಂದ ಸಂಪಾದಿಸಿ ಧರ್ಮಕ್ಕಾಗಿಯೇ ವೆಚ್ಚಿಸಬೇಕೆಂಬ ಆದೇಶವಿದೆ. ಎಂದಿಗೂ ತೀರದ ತನ್ನ ಒಡಲಿನ ಬಾಧೆಗೆ ಹಣದ ಕೊರತೆಯಾದೀತೆಂದು-ಇವತ್ತು ಮಾಡಬೇಕಾದ ಧರ್ಮಕಾರ್ಯಕ್ಕೆ ಕೊರತೆ ಮಾಡಬಾರದೆಂಬುದೇ ಅವರ ಅಭಿಪ್ರಾಯ. ಈ ದಿನ ಧರ್ಮಕ್ಕೆ ವ್ಯಯ ಮಾಡಿದ ಹಣದ ಕೊರತೆ ನಾಳೆಯ ಕಾಯಕದಿಂದ ನೀಗುತ್ತದೆ-ಆದರೆ ಇಂದು ಮಾಡಿದ ಧರ್ಮವಂಚನೆ ನಮ್ಮ ಪಾಪದ ಪಟ್ಟಿಯಲ್ಲಿ ಸದಾ ನಿಂತುಬಿಡುತ್ತದೆ. ಶರಣರಿಗೆ ನೀಡದ ಹಣ ಎಕ್ಕಡಕ್ಕೆ ಸಮಾನವೆಂಬ ಇಂಗಿತ ಈ ವಚನದಲ್ಲಿದೆ.

- ವ್ಯಾಖ್ಯಾನಕಾರರು
ಡಾ.ಎಲ್. ಬಸವರಾಜು

English Hindi Telugu Tamil Urdu Transliteration Dictionary Sthala Explanation Comment None