ಗಣೇಶ್ವರಿಯೆಂಬ ಮಹಾಶಕ್ತಿಗೆ ಆರುಮುಖವುಂಟು ನೋಡಾ.
ಆ ಗಣೇಶ್ವರಿಯೆಂಬ ಮಹಾಶಕ್ತಿ ಆರುಮಕ್ಕಳ ಹಡೆದಳು.
ಇಬ್ಬರು ಗಂಡುಮಕ್ಕಳು, ಇಬ್ಬರು ಹೆಣ್ಣುಮಕ್ಕಳು,
ಇಬ್ಬರು ನಪುಂಸಕರು ನೋಡಾ.
ಇಬ್ಬರು ಗಂಡುಮಕ್ಕಳಿಗೆ ಹದಿನಾರು ಹದಿನಾರು ಮುಖ.
ಇಬ್ಬರು ಹೆಣ್ಣುಮಕ್ಕಳಿಗೆ ಮೂವತ್ತೆರಡು ಮೂವತ್ತೆರಡು ಮುಖ.
ಇಬ್ಬರು ನಪುಂಸಕರಿಗೆ ಅರುವತ್ತುನಾಲ್ಕು ಅರುವತ್ತುನಾಲ್ಕು ಮುಖ ನೋಡಾ.
ಆ ಗಣೇಶ್ವರಿ ಎಂಬ ಮಹಾಶಕ್ತಿಯನು ಇಬ್ಬರು ಗಂಡುಮಕ್ಕಳು,
ಇಬ್ಬರು ಹೆಣ್ಣುಮಕ್ಕಳು, ನಪುಂಸಕರಿಬ್ಬರನು ಮಹಾಘನಗಂಭೀರ ನುಂಗಿತ್ತು,
ಆ ಮಹಾಘನಗಂಭೀರವನೊಂದು ಮದಾಳಿ ನುಂಗಿತ್ತ ಕಂಡೆನು ನೋಡಾ
ಅಪ್ರಮಾಣಕೂಡಲಸಂಗಮದೇವಾ.
