ಜಾತಿ ಶೈವರು ಅಜಾತಿ ಶೈವರೆಂದು

ಜಾತಿ ಶೈವರು ಅಜಾತಿ ಶೈವರೆಂದು ಎರಡು ಪ್ರಕಾರವಾಗಿಹರಯ್ಯಾ. ಜಾತಿ ಶೈವರೆಂಬವರು ಶಿವಂಗೆ ಭೋಗಸ್ತ್ರೀಯರಯ್ಯಾ. ಅಜಾತಿ ಶೈವರೆಂಬವರು ಶಿವಂಗೆ ಕುಲಸ್ತ್ರೀಯರಯ್ಯಾ. ಜಾತಿ ಶೈವರೆಂಬರು ಸರ್ವಭೋಗಂಗಳ ಬಯಸಿ ಮಾಡುವರಾಗಿ, ದ್ದಾರೇ ಯಸ್ಸ ಚ , ಮಾತಂಗೋ ವಾಯುವೇಗ ತುರಂಗಮಃ| ಪೂರ್ಣೆಂದು ವದನಾ ನಾರೀ ಶಿವಪೂಜಾ ವಿಧೇಃ ಫಲಂ || ಎಂದುದಾಗಿ, ಇವು ಜಾತಿಶೈವರಿಗೆ ಕೊಟ್ಟಭೋಗಂಗಳಯ್ಯಾ. ಅಜಾತಿಶೈವರು ಗುರುಗಲಿಂಗಜಂಗಮಕ್ಕೆ ತನುಮನಧನವ ನಿವೇದಿಸಿ ಸರ್ವಸೂತಕರಹಿತರಾಗಿಹರಯ್ಯಾ. ಅಹಂ ಮಾಹೇಶ್ವರ ಪ್ರಾಣೇ ಮಾಹೇಶ್ವರೋ ಮಮ ಪ್ರಾಣಃ| ತಥ್ಯೆಕಂ ನಿಕ್ಕ್ರೀಯಂ ಭೂಯಾದನ್ಯಲ್ಲಿಂಗೈಕ್ಯಮೇವ ಚ || ಇದು ಕಾರಣ ಸರ್ವೇಶ್ವರ ಚೆನ್ನಮಲ್ಲಿಕಾರ್ಜುನಯ್ಯನು ಭಕ್ತಿ ಕಾಯನೆಂಬೈಕ್ಯಪದವನು ಅ ಜಾತಿಶೈವರಿಗೆ ಕೊಡುವನಯ್ಯಾ.

Transliteration Comment None