ಅಷ್ಠಮದಂಗಳೆಂಬ ಆನೆಯ ಮೆಟ್ಟಿ

ಅಷ್ಠಮದಂಗಳೆಂಬ ಆನೆಯ ಮೆಟ್ಟಿ ಅವಿನಾಶವೆಂಬ ಕಂತೆಯ ತೊಟ್ಟು, ಅನಾಹತವೆಂಬ ಕರ್ಪರವಂ ಕೊಂಡು, ಅಕಾಯಕಲ್ಪಿತವೆಂಬ ಯೋಗದಂಡಮಂ ಪಿಡಿದು, ಕಾಯಕಲ್ಪಿತ ಜೀವನೋಪಾಯವನತಿಗಳೆದು, ಮಾಯಾಪ್ರಪಂಚು ನಾಸ್ತಿಯಾಗಿ, ಶಿವಧ್ಯಾನ ಕಾರಣ ಸದಾಚಾರವೆಡೆಗೊಂಡು, ಸಮ್ಯಜ್ಞಾನವೆಂಬ ಶಿವಪುರಮಂ ಪೊಕ್ಕು, ಸಮತೆಯೆಂಬ ಓಗರವನೆತ್ತುತ್ತ, ಅಜ್ಞಾನವೆಂಬ ನಾಯ ಹೊಡೆಹುತ್ತ, ಉಪಪಾತಕಕೋಟಿನಾಂ ಬ್ರಹ್ಮಹತ್ಯಶತಾನಿ ಚ| ದಹಂತಿ ಶೇಷಪಾಪಾನಿ ಶಿವಭಕ್ತಸ್ಯ ದರ್ಶನಾತ್ || ಎಂದುದಾಗಿ, ಸಕಲಜೀವಂಗಳ ಕರ್ಮಕ್ಷಯವ ಮಾಡಲೆಂದು ಸುಳಿವನಯ್ಯ. ಮಹಂತ ಸಕಳೇಶ್ವರದೇವಾ, ನಿಮ್ಮ ಶರಣ.

Transliteration Comment None