ಅರ್ಥದಲ್ಲೇನೂ ಸುಖವಿಲ್ಲ.
ಅರ್ಥವಗಳಿಸಿ ಆತ್ಮಪುತ್ರರ್ಗಿರಿಸಬೇಡ.
ಆರಿಗಾರೂ ಇಲ್ಲ.
ಶಿವನಲ್ಲದೆ ಹಿತವರಿಲ್ಲವೆಂದರಿದು,
ಶಿವನೊಡವೆಯ ಶಿವನವರಿಗೆ ಕೊಡು ಮರುಳೆ.
ಅರ್ಥದಲ್ಲೇನೂ ಸುಖವಿಲ್ಲ.
ಅರ್ಥವನಾರ್ಜಿಸುವಲ್ಲಿ ದುಃಖ.
ಅರ್ಜಿಸಿದ ಧನವ ರಕ್ಷಿಸುವಲ್ಲಿ ದುಃಖ.
ನಾಶವಾದಡೆ ದುಃಖ, ವೆಚ್ಚವಾದಡೆ ದುಃಖ.
ಈ ಪರಿಯಲ್ಲಿ ಅರ್ಥದಿಂದ ಸದಾ ದುಃಖವಡೆವವರಿಗೆ
ಸುಖವಿಲ್ಲೆಂದರಿಯದೆ,
ಧನದರ್ಥದ ಮರವೆಯಲ್ಲಿ ಬಳಲುತ್ತಿಹ,
ಮನುಜರಿಗಿನ್ನಾವ ಗತಿಯಿ ಇಲ್ಲವಯ್ಯ,
ನಿಜಗುರು ಸ್ವತಂತ್ರಸಿದ್ಧಲಿಂಗೇಶ್ವರಾ.
Art
Manuscript
Music
Courtesy:
Transliteration
Arthadallēnū sukhavilla.
Arthavagaḷisi ātmaputrargirisabēḍa.
Ārigārū illa.
Śivanallade hitavarillavendaridu,
śivanoḍaveya śivanavarige koḍu maruḷe.
Arthadallēnū sukhavilla.
Arthavanārjisuvalli duḥkha.
Arjisida dhanava rakṣisuvalli duḥkha.
Nāśavādaḍe duḥkha, veccavādaḍe duḥkha.
Ī pariyalli arthadinda sadā duḥkhavaḍevavarige
sukhavillendariyade,
dhanadarthada maraveyalli baḷaluttiha,
manujariginnāva gatiyillavayya,
nijaguru svatantrasid'dhaliṅgēśvarā.
