ಪೃಥ್ವಿಯ ಬೀಜ ಅಪ್ಪುವ ಕೂಡಿ, ಅಗ್ನಿಯಲ್ಲಿ ಮೊಳೆದೋರಿತ್ತು.
ವಾಯುವಿನಲ್ಲಿ ಶಾಖೆದೋರಿ, ಆಕಾಶದಲ್ಲಿ ಪಲ್ಲವಿಸಿತ್ತು.
ಮಹದಾಕಾಶದಲ್ಲಿ ಫಲದೋರಿ, ಶೂನ್ಯದಲ್ಲಿ ಹಣ್ಣಾಯಿತ್ತು.
ಅದು ನಿರಾಳದಲ್ಲಿ ರಸತುಂಬಿ, ನಿರ್ವಯಲಲ್ಲಿ ತೊಟ್ಟು ಬಿಟ್ಟಿತ್ತು.
ಆ ಹಣ್ಣ ಪ್ರಭುದೇವರಾರೋಗಿಸಿದರಾಗಿ ನಿರ್ವಯಲಾದರು.
ಆ ಪ್ರಭುದೇವರಾರೋಗಿಸಿ ಮಿಕ್ಕ ಪ್ರಸಾದವ
ಬಸವಣ್ಣ ಮೊದಲಾದ ಅಸಂಖ್ಯಾತ ಮಹಾಗಣಂಗಳು
ಸ್ವೀಕರಿಸಿದರಾಗಿ ಶಿವನೊಳಗಾದರು.
ನಾನು ಮಹಾಗಣಂಗಳ ಪ್ರಸಾದವನಾರೋಗಿಸಿದೆನಾಗಿ
ನಿಜಗುರು ಸ್ವತಂತ್ರಸಿದ್ಧಲಿಂಗೇಶ್ವರನು,
ತನ್ನೊಳಗೆನ್ನನಿಂಬಿಟ್ಟುಕೊಂಡನು.
Art
Manuscript
Music
Courtesy:
Transliteration
Pr̥thviya bīja appuva kūḍi, agniyalli moḷedōrittu.
Vāyuvinalli śākhedōri, ākāśadalli pallavisittu.
Mahadākāśadalli phaladōri, śūn'yadalli haṇṇāyittu.
Adu nirāḷadalli rasatumbi, nirvayalalli toṭṭu biṭṭittu.
Ā haṇṇa prabhudēvarārōgisidarāgi nirvayalādaru.
Ā prabhudēvarārōgisi mikka prasādava
basavaṇṇa modalāda asaṅkhyāta mahāgaṇaṅgaḷu
svīkarisidarāgi śivanoḷagādaru.
Nānu mahāgaṇaṅgaḷa prasādavanārōgisidenāgi
nijaguru svatantrasid'dhaliṅgēśvaranu,
tannoḷagennanimbiṭṭukoṇḍanu.
