ಮೂಲಪ್ರಣವವನರಿದು ಮೂಲಮಂತ್ರದೊಳಗಾಡುತ್ತ,
ಮುಂದನರಿದು, ಹಿಂದ ಹರಿದು, ಸಂದು ಸಂಶಯವಿಲ್ಲದೆ,
ಸ್ವಯವ ನೋಡುತ್ತ, ಪರವ ಕೂಡುತ್ತ, ಶಬ್ದವ ಕೇಳುತ್ತ,
ನಿರ್ಧರವಾಗಿ ನಿರ್ಬುದ್ಧಿಯಲ್ಲಿ ನಿರಾಳವನೊಡಗೂಡಿ,
ನಿಜದಲ್ಲಿ ಆನಂದಾಮೃತವ ಆರೋಗಣೆಯ ಮಾಡುವ ಪರಿಯೆಂತೆಂದಡೆ:
ಬೇಯದ ಬೆಂಕಿಯಲಿ ಬೆಂದು,
ಕಾಯದ ಅಗ್ಗವಣಿಯಲಿ ಅಡಿಗೆಯ ಮಾಡಿ,
ಕಂದಲೊಡೆದು ಒಂದಾಗಿ ಉಂಡು, ಮಂಡೆಯಲ್ಲಿ ನಿಂದು,
ಮಡದಿಯ ಸಂಗವ ಮಾಡಿ, ಮಾರುತನ ನಿಲಿಸಿ,
ಮದನನ ಮರ್ದಿಸಿ, ನಿರ್ಧರವಾಗಿ ನಿಂದ ಶರಣ
ಅಪ್ಪಣ್ಣಪ್ರಿಯ ಚೆನ್ನಬಸವಣ್ಣ ತಾನೆ ನೋಡಾ.
Art
Manuscript
Music
Courtesy:
Transliteration
Mūlapraṇavavanaridu mūlamantradoḷagāḍutta,
mundanaridu, hinda haridu, sandu sanśayavillade,
svayava nōḍutta, parava kūḍutta, śabdava kēḷutta,
nirdharavāgi nirbud'dhiyalli nirāḷavanoḍagūḍi,
nijadalli ānandāmr̥tava ārōgaṇeya māḍuva pariyentendaḍe:
Bēyada beṅkiyali bendu,
kāyada aggavaṇiyali aḍigeya māḍi,
kandaloḍedu ondāgi uṇḍu, maṇḍeyalli nindu,
maḍadiya saṅgava māḍi, mārutana nilisi,
madanana mardisi, nirdharavāgi ninda śaraṇa
appaṇṇapriya cennabasavaṇṇa tāne nōḍā.
