ಶರಣರೈಕ್ಯರೆಂದು ನುಡಿದಾಡುವರು,
ಶರಣಸ್ಥಲವೆಂತಿರ್ಪುದೆಂದರಿಯರು.
ಅನ್ನವನಿಕ್ಕಿದವರೆಲ್ಲ ಶರಣರೆ?
ಹೊನ್ನು ಕೊಟ್ಟವರೆಲ್ಲ ಶರಣರೆ?
ಹೆಣ್ಣು ಕೊಟ್ಟವರೆಲ್ಲ ಶರಣರೆ?
ಮಣ್ಣು ಕೊಟ್ಟವರೆಲ್ಲ ಶರಣರೆ?
ಅಲ್ಲಲ್ಲ ಅದಕ್ಕೆ ಪುಣ್ಯದಾ ಫಲವುಂಟು.ಅದಂತಿರಲಿ
ಶರಣನಾದರೆ ತನ್ನ ಮರಣ ಬಾಧೆ ಗೆಲಿದಿರಬೇಕು.
ಮರಣ ಬಾಧೆಯ ಗೆದ್ದ ಶರಣರು ಕಂಡನುವೆ
ಅಂಗ ಮನ ಸುಸಂಗ; ಅವರು ಹಿಡಿದ ಧನವೆ ಪದಾರ್ಥ.
ಇದೀಗ ನಮ್ಮ ಮುನ್ನಿನ ಶರಣರ ನಡೆನುಡಿ.
ಇದನರಿಯದೆ ಈಗ ಮನೆ ಮನೆಗೆ ಶರಣರು,
ತನತನಗೆ ಶರಣರು ಎಂದು ನುಡಿದಾಡುವರು.
ಈ ಬಿನುಗರ ನುಡಿಯ ಮೆಚ್ಚುವನೆ
ನಮ್ಮ ಅಪ್ಪಣ್ಣಪ್ರಿಯ ಚೆನ್ನಬಸವಣ್ಣ?
