ಹೇಮಗಲ್ಲ ಹಂಪ   
Index   ವಚನ - 85    Search  
 
ವೇದಶಾಸ್ತ್ರ ಪುರಾಣಾಗಮಂಗಳನೋದುತ್ತಿದ್ದೇವೆಂಬುತಿಪ್ಪರು, ವೇದಶಾಸ್ತ್ರ ಪುರಾಣಾಗಮ ಆವೆಂದರಿಯರು. ವೇದಶಾಸ್ತ್ರಪುರಾಣಾಗಮವನೋದಿ, ಹೊರಹೊರಗಡೆ ಹೊತ್ತುಗಳೆದು, ಒಳಗಿಪ್ಪ ಅಷ್ಟಮದವ ನಿರಸನವ ಮಾಡಲರಿಯದೆ ಕಷ್ಟಬಡುತಿಪ್ಪುದೆನ್ನಯ ಮನವು. ಲೋಕ ಆಡಿಯಾಡಿ ಕೆಟ್ಟು ಕೆಲಸಾರಿ ಹೋಗುತಿದೆ, ಸೃಷ್ಟಿ ಪ್ರತಿಪಾಲಕ ನಿಮ್ಮ ಜ್ಞಾನವ ಮರದು, ಪರಮಗುರು ಪಡುವಿಡಿ ಸಿದ್ಧಮಲ್ಲಿನಾಥಪ್ರಭುವೆ.
Transliteration Sthala Comment None