ಗುರುಪ್ರಸಾದಿ ಆ ಪ್ರಸಾದವ ಲಿಂಗಕ್ಕೆ ಅರ್ಪಿಸಲಾಗದು,
ಲಿಂಗಪ್ರಸಾದಿ ಆ ಪ್ರಸಾದವ ಜಂಗಮಪ್ರಸಾದದಲ್ಲಿ ಕೂಡಲಾಗದು.
ಇಂತೀ ತ್ರಿವಿಧಪ್ರಸಾದವ ತಾ ಸ್ವೀಕರಿಸುವಲ್ಲಿ
ತನ್ನ ದೃಷ್ಟದ ಇಷ್ಟಕ್ಕೆ ಅರ್ಪಿಸದೆ ಮುಟ್ಟಲಾಗದು.
ಇಂತೀ ಭಾವ ಅಮೃತದಲ್ಲಿ ವಿಷ ಬೆರೆದಂತೆ:
ಅಮೃತವ ಚೆಲ್ಲಬಾರದು, ವಿಷವ ಮುಟ್ಟಬಾರದು.
ಗೋವು ಮಾಣಿಕವ ನುಂಗಿದಂತೆ:
ಗೋವ ಕೊಲ್ಲಬಾರದು, ಮಾಣಿಕವ ಬಿಡಬಾರದು.
ಗೋವು ಸಾಯದೆ ಮಾಣಿಕ ಕೆಡದೆ ಬಹ ಹಾದಿಯ ಬಲ್ಲಡೆ
ಆತ ತ್ರಿವಿಧ ಪ್ರಸಾದಿಯೆಂಬೆ.
ಆ ಗುಣ ಏಲೇಶ್ವರಲಿಂಗಕ್ಕೂ ಅಸಾಧ್ಯ ನೋಡಾ!
Art
Manuscript
Music
Courtesy:
Transliteration
Guruprasādi ā prasādava liṅgakke arpisalāgadu,
liṅgaprasādi ā prasādava jaṅgamaprasādadalli kūḍalāgadu.
Intī trividhaprasādava tā svīkarisuvalli
tanna dr̥ṣṭada iṣṭakke arpisade muṭṭalāgadu.
Intī bhāva amr̥tadalli viṣa beredante:
Amr̥tava cellabāradu, viṣava muṭṭabāradu.
Gōvu māṇikava nuṅgidante:
Gōva kollabāradu, māṇikava biḍabāradu.
Gōvu sāyade māṇika keḍade baha hādiya ballaḍe
āta trividha prasādiyembe.
Ā guṇa ēlēśvaraliṅgakkū asādhya nōḍā!
