ಒಂದೆಂದರಿದಂಗೆ ಎರಡೆಂಬುದಿಲ್ಲ,

ಒಂದೆಂದರಿದಂಗೆ ಎರಡೆಂಬುದಿಲ್ಲ, ಎರಡೆಂದರಿದಂಗೆ ಮೂರೆಂಬುದಿಲ್ಲ, ಮೂರೆಂದರಿದಂಗೆ ಮುಟ್ಟಿದ, ನಾಲ್ಕೆಂದರಿದಂಗೆ ನಗುತಿರ್ದ, ಐದೆಂದರಿದಂಗೆಯ್ದಿದ, ಆರೆಂದರಿದಂಗೆ ಮೀರಿದ, ಏಳೆಂದರಿದಂಗೆ ಎಚ್ಚರಿಸಿದ, ಎಂಟೆಂದರಿದಂಗೆ ಕಂಟಕವಿಲ್ಲ, ಒಂಬತ್ತೆಂದರಿದಂಗೆ ಸಂಭಾವಿತ, ಹತ್ತೆಂದರಿದಂಗೆ ಒಂದೆಂಬುದಿಲ್ಲ. ಮಾಟ ಕೂಟ ನೋಟ ಶೃಂಗಾರಬೇಟ ಷೋಡಶೋಪಚಾರ ಕೂಟಕ್ಕೆಂದು ಮಾಡಿದ ನಾಚಯ್ಯಪ್ರಿಯ ಚೆನ್ನರಾಮೇಶ್ವರ.

Transliteration Comment None