ಪೃಥ್ವಿಮದ ಸಲಿಲಮದ ಪಾವಕಮದ [ಪವನಮದ]
ಅಂಬರಮದ ರವಿಮದ ಶಶಿಮದ ಆತ್ಮಮದ-
ಇಂತೀ ಅಷ್ಟಮದಂಗಳ ವಿವರ:
ಪೃಥ್ವಿಮದವೆತ್ತಿದಲ್ಲಿ ತನುಗುಣಭರಿತನಾಗಿಹ,
ಸಲಿಲಮದವೆತ್ತಿದಲ್ಲಿ ಸಂಸಾರಭರಿತನಾಗಿಹ,
ಪಾವಕಮದವೆತ್ತಿದಲ್ಲಿ ಕಾಮ್ಯರಸಭರಿತನಾಗಿಹ,
ಪವನಮದವೆತ್ತಿದಲ್ಲಿ ಇರ್ದ ಠಾವಿನಲ್ಲಿರ್ದು
ಜಂಬೂದ್ವೀಪಭರಿತನಾಗಿಹ,
ಅಂಬರಮದವೆತ್ತಿದಲ್ಲಿ ವಾಹನಭರಿತನಾಗಿಹ,
ರವಿ ಮದವೆತ್ತಿದಲ್ಲಿ ಕೋಪಾಗ್ನಿಭರಿತನಾಗಿಹ,
ಶಶಿಮದವೆತ್ತಿದಲ್ಲಿ ಚಿಂತಾಭರಿತನಾಗಿಹ,
ಆತ್ಮಮದವೆತ್ತಿದಲ್ಲಿ ಅಹಂಕಾರಭರಿತನಾಗಿಹ.
ಇಂತೀ ಅಷ್ಟಮದವಳಿದು ನಿಜವನರಿಯ ಬಲ್ಲರೆ,
ಕೂಡಲಚೆನ್ನಸಂಗಯ್ಯನಲ್ಲಿ
ಶಿವಯೋಗಿಗಳೆಂಬೆನು.
Art
Manuscript
Music
Courtesy:
Transliteration
Pr̥thvimada salilamada pāvakamada [pavanamada]
ambaramada ravimada śaśimada ātmamada-
intī aṣṭamadaṅgaḷa vivara:
Pr̥thvimadavettidalli tanuguṇabharitanāgiha,
salilamadavettidalli sansārabharitanāgiha,
pāvakamadavettidalli kāmyarasabharitanāgiha,
pavanamadavettidalli irda ṭhāvinallirdu
jambūdvīpabharitanāgiha,
Ambaramadavettidalli vāhanabharitanāgiha,
ravi madavettidalli kōpāgnibharitanāgiha,
śaśimadavettidalli cintābharitanāgiha,
ātmamadavettidalli ahaṅkārabharitanāgiha.
Intī aṣṭamadavaḷidu nijavanariya ballare,
kūḍalacennasaṅgayyanalli
śivayōgigaḷembenu.
ಸ್ಥಲ -
ಪ್ರಾಣಲಿಂಗಿಯ ಜ್ಞಾನಿಸ್ಥಲ
