ಅಂಥ ಬ್ರಹ್ಮಾಂಡವ ಮುನ್ನೂರುಕೋಟಿಯ ಮೇಲೆ
ನಾಲ್ಕು ಸಾವಿರದಾ ಎಂಟು ಬ್ರಹ್ಮಾಂಡವನೊಳಕೊಂಡುದೊಂದು
ಹಾರ್ತವೆಂಬ ಭುವನ.
ಆ ಭುವನದೊಳು ಆನಂದಬ್ರಹ್ಮನೆಂಬ ಮಹಾರುದ್ರಮೂರ್ತಿ ಇಹನು.
ಆ ರುದ್ರಮೂರ್ತಿಯ ಓಲಗದಲ್ಲಿ
ಸಾವಿರಕೋಟಿಯ ಮೇಲೆ ನೂರಾತೊಂಬತ್ತೆರಡುಕೋಟಿಯು
ಇನ್ನೂರೆಂಬತ್ತುಕೋಟಿ
ಬ್ರಹ್ಮ ನಾರಾಯಣ ರುದ್ರರಿಹರು.
ಸಾವಿರಕೋಟಿಯ ಮೇಲೆ ನೂರಾತೊಂಬತ್ತೆರಡುಕೋಟಿಯು
ಇನ್ನೂರೆಂಬತ್ತು ಕೋಟಿ ವೇದಪುರುಷರು
ಮುನೀಂದ್ರರು ಇಂದ್ರಚಂದ್ರಾದಿತ್ಯರು ದೇವರ್ಕಳಿಹರು ನೋಡಾ
ಅಪ್ರಮಾಣಕೂಡಲಸಂಗಮದೇವಾ.
