ಅನಾದಿ ಅಸಮಾಕ್ಷಮಾಲೆಯನುಳಿದು

ಅನಾದಿ ಅಸಮಾಕ್ಷಮಾಲೆಯನುಳಿದು ಚಿನುಮಯಲಿಂಗವ ಪೂಜಿಸಿದರೆ ನಿಜಪದವಸಾಧ್ಯವಯ್ಯಾ. ಚಂದ್ರಮೌಳಿಯ ನಯನಜಲಬಿಂದೋದಯ ಮಣಿಮಾಲೆಯನುಳಿದು ಪಲವು ಮಣಿಮಾಲೆಯಿಂದೆ ಜಪ ಧ್ಯಾನಾನುಷ್ಠಾನವನೆಸಗಿದರೆ ಶಿವಪದವು ಅಸಾಧ್ಯವಯ್ಯಾ. ಪರಶಿವನೂರ್ಧ್ವನಿರೀಕ್ಷಣಾನಂದೋದಕ ಮಾಲೆಯನುಳಿದು ಪರಿಪರಿಯಾಭರಣವ ಧರಿಸಿ ಗುರಾಚಾರ ಭಕ್ತಿದಾಸೋಹವ ನಲಿನಲಿದು ಮಾಡಿದರೆ ನಿರಂಜನ ಚನ್ನಬಸವಲಿಂಗಕ್ಕೆ ಪರಿಣಾಮವಲ್ಲ ಕಾಣಾ.

Transliteration Sthala Comment None