ಬಸವಣ್ಣನ ಪಾದವನ್ನು ಕರ ಮನ ಭಾವದಲ್ಲಿ ಕಂಡು

ಬಸವಣ್ಣನ ಪಾದವನ್ನು ಕರ ಮನ ಭಾವದಲ್ಲಿ ಕಂಡು ಸರ್ವಾಂಗ ಬೆಚ್ಚಿ ಬೇರಿಲ್ಲ ದರ್ಚಿಸಿ ಸುಖಿಯಾಗಿದ್ದೆನಯ್ಯಾ. ಚನ್ನಬಸವಣ್ಣನ ಪಾದವನ್ನು ಮನ ಭಾವದಲ್ಲಿ ಕಂಡು ಕರಣಕೊಬ್ಬಿ ಅಭಿನ್ನವಾಗಿ ಅರ್ಚಿಸಿ ಸುಖಿಯಾಗಿರ್ದೆನಯ್ಯಾ. ಪ್ರಭುವಿನ ಪಾದವನ್ನು ಭಾವ ಕರ ಮನದಲ್ಲಿ ಕಂಡು ಬೆಚ್ಚಿ ಭೇದವಳಿದರ್ಚಿಸಿ ಸುಖಿಯಾಗಿರ್ದೆನಯ್ಯಾ. ತ್ರಿವಿಧವನೊಂದುಮಾಡಿ ಸಕಲ ಪರಿಣಾಮ ಪರವಶವ ನೆರೆದು ಆರಾಧಿಸುತಿರ್ದೆನು ಗುರುನಿರಂಜನ ಚನ್ನಬಸವಲಿಂಗಕ್ಕಂಗವಾಗಿ.

Transliteration Sthala Comment None