ಮೂಲಜ್ಞಾನದಿಂದುದಯವಾದ

ಮೂಲಜ್ಞಾನದಿಂದುದಯವಾದ ನಿಜಾನಂದಶರಣ ಜಂಗಮಲಿಂಗಕ್ಕೆ ಮಹಾಜ್ಞಾನಾನಂದೈಕ್ಯಪದವಲ್ಲದೆ ನಾದಬಿಂದು ಕಲಾಯುತರುದಯೈಕ್ಯದಂತಲ್ಲ ನೋಡಾ. ಅದೆಂತೆಂದೊಡೆ, ಸತ್ಯಗುರುವಿನಿಂದೆ ಜನಿಸಿ ನಿತ್ಯಲಿಂಗಚರಿತೆಯೊಳ್ಬೆಳೆದು ನಿರಂಜನ ಲಿಂಗೈಕ್ಯವನರಿಯದೆ ಯೋನಿಭಾವಜನನಕ್ಕೆ ನಿಂದು ಸಂಸಾರಭಾವಸ್ಥಿತಿಗೆ ನಿಂದು, ಮರಣಭಾವಲಯದಲ್ಲಿ ನಿಂದು, ಕಾಟವ ಕಳೆಯದೆ ಕೋಟಲೆಗೆ ಬೀಳುವ ಮೋಟರಿಗೆ ಜಂಗಮವೆನ್ನಲು ಅಬದ್ಧ ಕಾಣಾ ಗುರುನಿರಂಜನ ಚನ್ನಬಸವಲಿಂಗಾ.

Transliteration Sthala Comment None