ಮಹಾಜ್ಞಾನಿ ಜಂಗಮಲಿಂಗ ತಾನು
ಲೋಕಪಾವನವಾಗಿ ನಡೆನುಡಿಗಳರಿದಾಚರಿಸುವಲ್ಲಿ,
ಜಿಹ್ವೆಯಲ್ಲಿ ಹುಸಿನುಡಿಯಿಲ್ಲದೆ ತನ್ನ ತಾ ನುಡಿಯುತಿರ್ದ ಕಾಣಾ.
ಕಂಗಳಲ್ಲಿ ಭಿನ್ನದೃಷ್ಟಿಯಿಲ್ಲದೆ ತನ್ನ ತಾ ನೋಡುತಿರ್ದ ಕಾಣಾ.
ಶ್ರೋತ್ರದಲ್ಲಿ ಭಿನ್ನಶಬ್ದವಿಲ್ಲದೆ ತನ್ನ ತಾ ಕೇಳುತಿರ್ದ ಕಾಣಾ.
ತ್ವಕ್ಕಿನಲ್ಲಿ ಭಿನ್ನ ಸೋಂಕಿಲ್ಲದೆ ತನ್ನ ತಾ ಸೋಂಕುತಿರ್ದ ಕಾಣಾ.
ಘ್ರಾಣದಲ್ಲಿ ಭಿನ್ನವಾಸನೆಯಿಲ್ಲದೆ ತನ್ನ ತಾನ್ವಾಸಿಸುತಿರ್ದ ಕಾಣಾ.
ಹೃದಯದಲ್ಲಿ ಮಾಯಾಸುಖವಿಲ್ಲದೆ ತನ್ನ ತಾ ಸುಖದಲ್ಲಿರ್ದ ಕಾಣಾ.
ಗುರುನಿರಂಜನ ಚನ್ನಬಸವಲಿಂಗಾ
ಮತ್ತೆ ಮರಣವಿಲ್ಲದೆ ನಿಮ್ಮಲ್ಲಿ ತನ್ನೊಳೈಕ್ಯ ಕಾಣಾ.
Art
Manuscript
Music
Courtesy:
Transliteration
Mahājñāni jaṅgamaliṅga tānu
lōkapāvanavāgi naḍenuḍigaḷaridācarisuvalli,
jihveyalli husinuḍiyillade tanna tā nuḍiyutirda kāṇā.
Kaṅgaḷalli bhinnadr̥ṣṭiyillade tanna tā nōḍutirda kāṇā.
Śrōtradalli bhinnaśabdavillade tanna tā kēḷutirda kāṇā.
Tvakkinalli bhinna sōṅkillade tanna tā sōṅkutirda kāṇā.
Ghrāṇadalli bhinnavāsaneyillade tanna tānvāsisutirda kāṇā.
Hr̥dayadalli māyāsukhavillade tanna tā sukhadallirda kāṇā.
Guruniran̄jana cannabasavaliṅgā
matte maraṇavillade nim'malli tannoḷaikya kāṇā.
