ಗುರುವಾಕ್ಯದಿಂದ ನಾರದನಿಗನಂತ
ಜನ್ಮ ಪ್ರಳಯವಾಯಿತ್ತು.
ಗುರುವಾಕ್ಯದಿಂದ ಚಿದ್ಘನಶಿವಾಚಾರ್ಯರಿಗೆ
ಬೋಧರತ್ನ ದೊರಕಿತ್ತು.
ಗುರುವಾಕ್ಯದಿಂದ ಮಳೆಯ ಮಲ್ಲೇಶಂಗೆ
ಪಾತಾಳ ಪದಾರ್ಥ ಸಿದ್ಧಿಯಾಯಿತ್ತು.
ಗುರುವಾಕ್ಯದಿಂದ ವೀರಸೇನಂಗೆ ರಣಭೂಮಿ ಕಂಪಿಸಿತ್ತು.
ಗುರುವಾಕ್ಯದಿಂದ ಅನಂತಜನರಿಗೆ ಅನಂತಫಲಗಳಾದವು.
ಗುರುವಾಕ್ಯದಿಂದ ಪ್ರಮಥರ ಮನೆಯಲ್ಲಿ
ಪರಮಾತ್ಮ ಸಂಚರಿಸಿದನು.
ಗುರುವಾಕ್ಯದಿಂದ ಆ ರಾಮಸಿದ್ಧನಿಗೆ
ಅಘೋರಮೂರ್ತಿ ಪ್ರಾಪ್ತವಾಯಿತ್ತು.
ಇದು ಕಾರಣ ಗುರುವೆ ಘನವೆಂದರಿದು
ಗುರುವಾಗಿ ಗುರುಪೂಜೆಯ ಮಾಡಬೇಕಲ್ಲದೆ
ಗುರುಸಮ್ಮುಖದಲ್ಲಿ ಗದ್ದುಗೆಯನೇರಿದಡೆ,
ಕಪಿಲಸಿದ್ಧಮಲ್ಲಿಕಾರ್ಜುನ ಕರಸಿತಗ,
ಕೇಳಾ ನಿಜಗುಣಯ್ಯಾ.
Transliteration Guruvākyadinda nāradanigananta
janma praḷayavāyittu.
Guruvākyadinda cidghanaśivācāryarige
bōdharatna dorakittu.
Guruvākyadinda maḷeya mallēśaṅge
pātāḷa padārtha sid'dhiyittu.
Guruvākyadinda vīrasēnaṅge raṇabhūmi kampisittu.
Guruvākyadinda anantajanarige anantaphalagaḷādavu.
Guruvākyadinda pramathara maneyalli
paramātma san̄carisidanu.
Guruvākyadinda ā rāmasid'dhanige
aghōramūrti prāptavāyittu.
Idu kāraṇa guruve ghanavendaridu
guruvāgi gurupūjeya māḍabēkallade
gurusam'mukhadalli gaddugeyanēridaḍe,
kapilasid'dhamallikārjuna karasitaga,
kēḷā nijaguṇayya.
