ಹಸಿವು ತೃಷೆಯಳಿದಡೇನು, ಭಕ್ತನಪ್ಪನೆ? ಅಲ್ಲಲ್ಲ.
ಅಷ್ಟಮಹಾಸಿದ್ಧಿಯುಳ್ಳಡೇನು, ಭಕ್ತನಪ್ಪನೆ? ಅಲ್ಲಲ್ಲ.
ತನು ಬಯಲಾಗಿ ಚತುರ್ವಿಧ ಪದಸ್ಥನಾಗಿ
ಕೈಲಾಸದಲ್ಲಿದ್ದಡೇನು, ಭಕ್ತನಪ್ಪನೆ? ಅಲ್ಲಲ್ಲ.
ಗಿಡಗಳ ತಿಂದ ಬಳಿಕ ಹಸಿವು ತೃಷೆ ತೋರದು.
ಯೋಗವಂಗವಾದ ಬಳಿಕ ಸ್ವೇಚ್ಛಾಚಾರ ಬಿಡದು.
ಅಘೋರತಪವ ಮಾಡಿದ ಬಳಿಕ ಮಹಾಸಿದ್ಧಿಗಳು ಬಿಡವು.
ಒಂದೊಂದರಿಂದೊಂದೊಂದು ಸಿದ್ಧಿ.
ಅಂಗ ಮೂರರಲ್ಲಿ ಲಿಂಗ ಸಂಬಂಧವಾಗಿ,
ಲಿಂಗ ಮೂರರಲ್ಲಿ ವಸ್ತುತ್ರಯವ ಪೂಜಿಸಿ,
ತತ್ಪ್ರಸಾದಗ್ರಾಹದ ಭಕ್ತನಲ್ಲದೆ, ಬಾಲಬ್ರಹ್ಮಿಗೆ
ಭಕ್ತನೆನಬಹುದೇನಯ್ಯಾ,
ಕಪಿಲಸಿದ್ಧಮಲ್ಲಿಕಾರ್ಜುನಾ?
Art
Manuscript
Music
Courtesy:
Transliteration
Hasivu tr̥ṣeyaḷidaḍēnu, bhaktanappane? Alla.
Aṣṭamahāsid'dhiyuḷḷaḍēnu, bhaktanappane? Allalla.
Tanu bayalāgi caturvidha padasthanāgi
kailāsadalliddaḍēnu, bhaktanappane? Allalla.
Giḍagaḷa tinda baḷika hasivu tr̥ṣe tōradu.
Yōgavaṅgavāda baḷika svēcchācāra biḍadu.
Aghōratapava māḍida baḷika mahāsid'dhigaḷu biḍavu.
Ondondarindondu sid'dhi.
Aṅga mūraralli liṅga sambandhavāgi,
liṅga mūraralli vastutrayava pūjisi,
tatprasādagrāhada bhaktanallade, bālabrahmige
bhaktanenabahudēnayyā,
kapilasid'dhamallikārjunā?
