ಮೀನಜ ರೋಮಜ ಋಷಿಯರು ಮೊದಲಾದ
ಅನಂತಕೋಟಿ ಹರಿ ಬ್ರಹ್ಮರಿಲ್ಲದಂದು,
ಅಲ್ಲಿಂದತ್ತತ್ತ ನೀನೇ ಕೋಲಿಂಗನೊಬ್ಬನೆ ಶರಣ.
ಗುರುವೆ ಪರಮಗುರುವೆ ನೀನೆ ಗತಿಯಯ್ಯಾ.
ಆದಿಕುಳಕ್ಕೆ ಮೂಲಿಗನಾಗಿ ಸುಳುಹ
ತೋರಿ ಜಗವ ಪಾವನವ ಮಾಡಬಂ[ದೆಯಯ್ಯಾ]
ಬಹುಮುಖ ಜೀವಿಗಳಿಗೆ ಬಹುಮುಖ
ಪ್ರಸಾದವ ತೋರಿದೆಯಯ್ಯಾ
ಭುವನವ ಸಲಹಲೆಂದು ಅವತರಿಸಿದೆಯಯ್ಯಾ
ಆದಿಲಿಂಗ ಅನಾದಿ ಶರಣನೆಂಬುದು ತಪ್ಪದು!
ಆ ಲಿಂಗವನು ನೀ ಪುಟ್ಟಿಸಿದ
ಘಟಕ್ಕೆ ಕಾರುಣ್ಯವ ಮಾಡಿ ಸಲಹಯ್ಯಾ
ಕೂಡಲಚೆನ್ನಸಂಗಮದೇವಾ.
