ಆಕಾರವೇ ಭಕ್ತ, ನಿರಾಕಾರವೇ ಮಹೇಶ್ವರ,
ಸಹಕಾರವೇ ಪ್ರಸಾದಿ, ಸನ್ಮತ ಈಗಲೇ ಪ್ರಾಣಲಿಂಗಿ,
ಲೋಕವಿರಹಿತನೇ ಶರಣ,
ಈ ಭ್ರಾಂತುವಿನ ಬಲೆಯೊಳಗೆ
ಸಿಲುಕದಾತನೇ ಐಕ್ಯ.
ಅದು ಎಂತು ಎಂದರೆ:
ಪೃಥ್ವಿ ಈಗಲೇ ಭಕ್ತ,
ಅಪ್ಪು ಈಗಲೇ ಮಹೇಶ್ವರ,
ಅಗ್ನಿ ಈಗಲೇ ಪ್ರಸಾದಿ,
ವಾಯು ಈಗಲೇ ಪ್ರಾಣಲಿಂಗಿ,
ಆಕಾಶ ಈಗಲೇ ಶರಣ,
ಈ ಪಂಚತತ್ತ್ವದ ಒಳಗೆ
ಬೆಳಕು ಕತ್ತಲೆ ಐಕ್ಯವು.
ಇದು ಕಾರಣ, ಕೂಡಲಚೆನ್ನಸಂಗಮದೇವಯ್ಯಾ
ನಿಮ್ಮ ಶರಣ ಪಂಚತತ್ತ್ವದ ಒಳಗೆ ಪಂಚತತ್ತ್ವ
ಎಂಬ ಅಣ್ಣಗಳಿರಾ ನೀವು ಕೇಳಿರೊ.
