ಕೆಸರಲ್ಲಿ ಬಿದ್ದ ಪಶುವಿನ ದೇಹವ ತೊಳೆವರಲ್ಲದೆ,
ಲೋಕದೊಳಗೆ ಗಂಜಳದೊಳಗಣ ಹಂದಿಯ ದೇಹವನಾರೂ ತೊಳೆಯರು.
ಗುರುಕಾರುಣ್ಯವುಳ್ಳ ಭಕ್ತರ ನಡೆವ ಗುಣದಲ್ಲಿ
ಎಡಹಿದ ಶಬ್ದಕ್ಕೆ ಪ್ರಾಯಶ್ಚಿತವಂ ಕೊಟ್ಟು,
ವಿಭೂತಿಯನಿಟ್ಟು, ಒಡಗೂಡಿಕೊಂಡು ನಡೆಸುವದೆ ಸದಾಚಾರ.
ಗುರುಚರಲಿಂಗವನರಿಯದ ದುರಾಚಾರಿಗಳಿಗೆ ಪ್ರಾಯಶ್ಚಿತವಂ ಕೊಟ್ಟು,
ವಿಭೂತಿಯನಿಟ್ಟು, ಒಡಗೂಡಿಕೊಂಡ ತೆರನೆಂತೆಂದಡೆ,
ಶೂಕರನ ದೇಹವ ತೊಳೆದಡೆ,
ಕೂಡೆ ಪಾಕುಳದೊಳಗೆ ಹೊರಳಿದ
ತೆರನಾಯಿತ್ತೆಂದ ಕಲಿದೇವಯ್ಯ.
Art
Manuscript
Music
Courtesy:
Transliteration
Kesaralli bidda paśuvina dēhava toḷevarallade,
lōkadoḷage gan̄jaḷadoḷagaṇa handiya dēhavanārū toḷeyaru.
Gurukāruṇyavuḷḷa bhaktara naḍeva guṇadalli
eḍahida śabdakke prāyaścitavaṁ koṭṭu,
vibhūtiyaniṭṭu, oḍagūḍikoṇḍu naḍesuvade sadācāra.
Gurucaraliṅgavanariyada durācārigaḷige prāyaścitavaṁ koṭṭu,
vibhūtiyaniṭṭu, oḍagūḍikoṇḍa teranentendaḍe,
śūkarana dēhava toḷedaḍe,
kūḍe pākuḷadoḷage horaḷida
teranāyittenda kalidēvayya.
