ಬ್ರಹ್ಮರಂಧ್ರವೆಂ[ಬುದು]ಉತ್ತರೋತ್ತರ ಕೇತಾರವಯ್ಯ.
ಭ್ರೂಮಧ್ಯವೆಂಬ ಶ್ರೀಶೈಲ;
ಹೃದಯ ಕಮಲಕರ್ಣಿಕಾವಾಸವೆನಿಸುವ ಕಾಶಿ ಕಾಣಿಭೋ.
ಬ್ರಹ್ಮರಂಧ್ರದಲ್ಲಿ ಗುರುಸ್ವಾಯತ;
ಭ್ರೂಮಧ್ಯದಲ್ಲಿ ಲಿಂಗಸ್ವಾಯತ;
ಹೃದಯಕಮಲಕರ್ಣಿಕಾವಾಸದಲ್ಲಿ
ಪರಮ ಜಂಗಮಲಿಂಗಸ್ವಾಯತ.
ಈ ಲಿಂಗಗಳು ಇದ್ದಲ್ಲಿಯೇ ಸಮಸ್ತ ಲಿಂಗಂಗಳಿರ್ಪವು.
ಅಲ್ಲಿಯೇ ಸಮಸ್ತ ತೀರ್ಥಯಾತ್ರೆಗಳಿಪ್ಪವು.
ಸಮಸ್ತ ಕ್ಷೇತ್ರಂಗಳು ಅಲ್ಲಿಯೇ ಇಪ್ಪವು.
ಗತಿಪಥ ಮುಕ್ತಿಯೂ ಅಲ್ಲಿಯೇ ಇಪ್ಪವು.
ಹೀಂಗೆ ತನ್ನ ಒಳಹೊರಗೆ ಭರಿತವಾಗಿಪ್ಪ ಲಿಂಗವ
ತಾ ಕುರುಹನರಿಯದೆ,
ಅನ್ಯಲಿಂಗದಲ್ಲಿ ವರವ ಹಡದೆನೆಂಬ ಕುನ್ನಿಗಳನೊಲ್ಲ
ಮಹಾಲಿಂಗಗುರು ಶಿವಸಿದ್ಧೇಶ್ವರ ಪ್ರಭುವೇ.
Art
Manuscript
Music
Courtesy:
Transliteration
Brahmarandhraveṁ[budu]uttarōttara kētāravayya.
Bhrūmadhyavemba śrīśaila;
hr̥daya kamalakarṇikāvāsavenisuva kāśi kāṇibhō.
Brahmarandhradalli gurusvāyata;
bhrūmadhyadalli liṅgasvāyata;
hr̥dayakamalakarṇikāvāsadalli
parama jaṅgamaliṅgasvāyata.
Ī liṅgagaḷu iddalliyē samasta liṅgaṅgaḷirpavu.
Alliyē samasta tīrthayātregaḷippavu.
Samasta kṣētraṅgaḷu alliyē ippavu.
Gatipatha muktiyū alliyē ippavu.
Hīṅge tanna oḷahorage bharitavāgippa liṅgava
tā kuruhanariyade,
an'yaliṅgadalli varava haḍadenemba kunnigaḷanolla
mahāliṅgaguru śivasid'dhēśvara prabhuvē.
