ಪೃಥ್ವಿಯಲ್ಲಿ ತಲೆಯ ಕಂಡು
ಪರಿಮಳವ ಹೂಸಿಕೊಳಬಲ್ಲರೆ ಭಕ್ತನೆಂಬೆ.
ನೀರೊಳಗೆ ತಲೆಯ ಕಂಡು
ರಸವ ಕುಡಿಸಿಕೊಳಬಲ್ಲರೆ ಭಕ್ತನೆಂಬೆ.
ಬೆಂಕಿಯಲ್ಲಿ ತಲೆಯ ಕಂಡು
ಸಕಲವ ತೋರಿಕೊಳಬಲ್ಲರೆ ಭಕ್ತನೆಂಬೆ.
ಗಾಳಿಯಲ್ಲಿ ತಲೆಯ ಕಂಡು
ಅಪ್ಪಿಕೊಳಬಲ್ಲರೆ ಭಕ್ತನೆಂಬೆ.
ಗಗನದಲ್ಲಿ ತಲೆಯ ಕಂಡು
ಕೇಳಿಸಿಕೊಳಬಲ್ಲರೆ ಭಕ್ತನೆಂಬೆ.
ಯಜಮಾನದಲ್ಲಿ ತಲೆಯ ಕಂಡು
ಪರಿಣಾಮಿಸಿಕೊಳಬಲ್ಲರೆ ಭಕ್ತನೆಂಬೆ.
ಈ ತಲೆಯ ಸುಖವನರಿಯದೆ
ಕೈಯಲ್ಲಿ ಹಿಡಿದು ಕಾಣಲರಿಯದೆ,
ತಿರುಗಾಡುವವರನೆಂತು ಭಕ್ತನೆಂಬೆನೈ ಗುರುನಿರಂಜನ
ಚನ್ನಬಸವಲಿಂಗಾ?
