ದೇಶಿಕೇಂದ್ರ ಸಂಗನಬಸವಯ್ಯ   
Index   ವಚನ - 389    Search  
 
ಎಚ್ಚರಿಸಿಕೊಟ್ಟ ಸಚ್ಚಿದಾನಂದ ಗುರುವಿಂಗೆ ಮುಚ್ಚುಮರೆಯಾಗದೆ ಅಚ್ಚೊತ್ತಿದಂತಿರ್ದೆ. ಅರ್ಪಿಸಲರಿಯದೆ ಕಾರಣಕ್ಕೆ ಬಂದ ಕರ್ತುಗಳನರಿದು, ಅತ್ತಿತ್ತಲರಿಯದೆ ಚಿತ್ತವೆರಸಿ ಮರೆಯದೆ ಮರದಿರ್ದೆ ಅರ್ಪಿಸಲರಿಯದೆ. ಬೋಧಾನಂದಮಯಮೂರ್ತಿಗಳನರಿದು ಭೇದವಿರಹಿತನಾಗಿ ಆದಾದಿ ಸಕಲವನಿತ್ತು ಮರೆದಿರ್ದೆ ಅರ್ಪಿಸಲರಿಯದೆ. ಗುರುನಿರಂಜನ ಚನ್ನಬಸವಲಿಂಗಕ್ಕೆ ಭೃತ್ಯನಾಗಿತ್ತು ಮರೆದಿರ್ದೆ ಅರ್ಪಿಸಲರಿಯದೆ.
Transliteration Sthala Comment None