ನಿರ್ಮಲಜಾಗ್ರದ ಬೆಳಗನರಿಯದ ವೇದಾಂತಿಯ ಸಂಗಭಂಗವನರಿಯದೆ,

ನಿರ್ಮಲಜಾಗ್ರದ ಬೆಳಗನರಿಯದ ವೇದಾಂತಿಯ ಸಂಗಭಂಗವನರಿಯದೆ, ನಿರುಪಮಸ್ವಪ್ನದ ಕಳೆಯನರಿಯದ ಸಿದ್ಧಾಂತಿಯ ಕೂಟಭಂಗವನರಿಯದೆ, ನಿರಂಜನಸುಷುಪ್ತಿಯ ಪ್ರಕಾಶವನರಿಯದ ಯೋಗಮಾರ್ಗಿಯ ಸಂಯೋಗ ಭಂಗವನರಿಯದೆ ಜಾಗ್ರದ ಬೆಳಗ ಸ್ವಪ್ನದಲ್ಲಿ ಕಂಡು, ಸ್ವಪ್ನದ ಕಳೆಯ ಸುಷುಪ್ತಿಯೊಳ್ಬೆರೆದು ಸುಮ್ಮನಿರ್ದ ಗುರುನಿರಂಜನ ಚನ್ನಬಸವಲಿಂಗಾ, ನಿಮ್ಮೊಳಗೆ ಶರಣ.

Transliteration Sthala Comment None