[ನಿರಾಳ ನಿಶ್ಚಿಂ]ತ ನಿರಾಭಾರಿ ನಿಸ್ಸೀಮನಿಗೆ

[ನಿರಾಳ ನಿಶ್ಚಿಂ]ತ ನಿರಾಭಾರಿ ನಿಸ್ಸೀಮನಿಗೆ ಅಗೋಚರ ಶರಣಂಗೆ ಪರಂಜ್ಯೋತಿರ್ಲಿಂಗ ಪ್ರತ್ಯಕ್ಷವಾಗಿ ತೋರಿದ ಕ್ರಮವೆಂತೆಂದಡೆ: ಪಂಚರತ್ನವೆಂಬ [ಶಿಲಾ] ರತ್ನಮಂಟಪದೊಳಗೆ ಬೆಳಗುವದೊಂದು ಮುತ್ತಿನ ಪಾಣಿವಟ್ಟವುಂಟು. ಅದರ ಮಸ್ತಕದ ಮೇಲೊಂದು ಅಮೃತದ ಕಂಕಣವುಂಟು ಆ ಕಂಕಣದೊಳಗೊಂದು ನಿಶ್ಚಿಂತಾಮೃತವೆಂಬ ಕಮಲವುಂಟು. ಆ ಕಮಲದೊಳಗೊಂದು ಮಹಾರತ್ನಪ್ರಕಾಶವೆಂಬುದೊಂದು ಪ್ರಾಣಲಿಂಗ ಬೆಳಗುತ್ತಿಹದು. ಆ ರತ್ನಮಂಟಪದೊಳಗೆ ಮಹಾಸ್ಫಟಿಕದ ಭಾಜನವುಂಟು. ಆ ಭಾಜನದೊಳಗೆ ಜೀವ ನವಪರಬ್ರಹ್ಮನವಗವಿಸಿತ್ತು. ಆ ಬ್ರಹ್ಮವೆ ತಾನೋ, ನಾನೋ ? ಎಂದು ವಿಚಾರಿಸಿ ನೋಡಿದಡೆ ಗೋಳಕಾಕಾರ ಸ್ವಯಂಪ್ರಕಾಶ ವಸ್ತು ಎಂದಾತ ನಮ್ಮ ಬಸವಣ್ಣಪ್ರಿಯ ವಿಶ್ವಕರ್ಮಟಕ್ಕೆ ಕಾಳಿಕಾವಿಮಲ ರಾಜೇಶ್ವರಲಿಂಗವು ತಾನು ತಾನಾದ ಶರಣ.

Transliteration Comment None