ಅಂಥ ಬ್ರಹ್ಮಾಂಡವ ಒಂದುಕೋಟಿಯ ಮೇಲೆ

ಅಂಥ ಬ್ರಹ್ಮಾಂಡವ ಒಂದುಕೋಟಿಯ ಮೇಲೆ ಸಾವಿರದಾ ಒಂಬೈನೂರಾ ತೊಂಬತ್ತೆಂಟು ಬ್ರಹ್ಮಾಂಡವನೊಳಕೊಂಡುದೊಂದು ದಹನವೆಂಬ ಭುವನ. ಆ ಭುವನದೊಳು ತ್ರಿಕಾಲಾಗ್ನಿಕಾಲನೆಂಬ ರುದ್ರಮೂರ್ತಿ ಇಹನು. ಆ ರುದ್ರಮೂರ್ತಿಯ ಓಲಗದಲ್ಲಿ ಸಾವಿರಕೋಟಿ ರುದ್ರ ಬ್ರಹ್ಮ ನಾರಾಯಣರಿಹರು. ಸಾವಿರಕೋಟಿ ವೇದಪುರುಷರು ಮುನೀಂದ್ರರು ಇಂದ್ರಚಂದ್ರಾದಿತ್ಯ ದೇವರ್ಕಳಿಹರು ನೋಡಾ ಅಪ್ರಮಾಣಕೂಡಲಸಂಗಮದೇವಾ.

Transliteration Comment None