ಇನ್ನು ಆ ಪ್ರಣವದ ತಾರಕಾಸ್ವರೂಪ

ಇನ್ನು ಆ ಪ್ರಣವದ ತಾರಕಾಸ್ವರೂಪ ಕುಂಡಲಾಕಾರ ಅರ್ಧಚಂದ್ರಕ ದರ್ಪಣಾಕಾರ ಜ್ಯೋತಿಸ್ವರೂಪದ ಕಾಂತಿಯದೆಂತೆಂದಡೆ: ಆ ಪ್ರಣವದ ತಾರಕಾಸ್ವರೂಪವು ಅರುವತ್ತುನೂರುಕೋಟಿ ಸೂರ್ಯಚಂದ್ರಾಗ್ನಿ ಪ್ರಕಾಶವಾಗಿಹುದು ನೋಡಾ. ಆ ಪ್ರಣವದ ದಂಡಸ್ವರೂಪವು ಎಪ್ಪತ್ತುನೂರುಕೋಟಿ ಸೂರ್ಯಚಂದ್ರಾಗ್ನಿಪ್ರಕಾಶವಾಗಿಹುದು. ಆ ಪ್ರಣವದ ಕುಂಡಲಾಕಾರವು ಎಂಬತ್ತುನೂರುಕೋಟಿ ಸೂರ್ಯಚಂದ್ರಾಗ್ನಿಪ್ರಕಾಶವಾಗಿಹುದು. ಆ ಪ್ರಣವದ ಅರ್ಧಚಂದ್ರಕಸ್ವರೂಪವು ತೊಂಬತ್ತುನೂರುಕೋಟಿ ಸೂರ್ಯಚಂದ್ರಾಗ್ನಿಪ್ರಕಾಶವಾಗಿಹುದು. ಆ ಪ್ರಣವದ ದರ್ಪಣಾಕಾರವು ಸಾವಿರದ ನೂರುಕೋಟಿ ಸೂರ್ಯಚಂದ್ರಾಗ್ನಿಪ್ರಕಾಶವಾಗಿಹುದು. ಆ ಪ್ರಣವದ ಜ್ಯೋತಿಸ್ವರೂಪವು ಅನೇಕಕೋಟಿ ಸೂರ್ಯಚಂದ್ರಾಗ್ನಿಪ್ರಕಾಶವಾಗಿಹುದು ನೋಡಾ ಅಪ್ರಮಾಣಕೂಡಲಸಂಗಮದೇವಾ.

Transliteration Comment None