ಅಯ್ಯಾ, ಆತ್ಮಯೋಗಿಗಳು ದೇಹವಾಸನೆ ಕೆಡದೆ

ಅಯ್ಯಾ, ಆತ್ಮಯೋಗಿಗಳು ದೇಹವಾಸನೆ ಕೆಡದೆ ಮೋನಮುದ್ರೆಯಲ್ಲಿದ್ದಡೇನು? ಅಯ್ಯಾ, ಆತ್ಮಯೋಗಿಗಳು ಜೀವಹಮ್ಮು ಕೆಡದೆ ಮೋನಮುದ್ರೆಯಲ್ಲಿದ್ದಡೇನು? ಅಯ್ಯಾ, ಆತ್ಮಯೋಗಿಗಳು ಮನದ ಸಂಚಲವರಿಯದೆ ಮೋನಮುದ್ರೆಯಲ್ಲಿದ್ದಡೇನು? ಅಯ್ಯಾ, ಆತ್ಮಯೋಗಿಗಳು ಭಾವಭ್ರಮೆಯರಿಯದೆ ಮೋನಮುದ್ರೆಯಲ್ಲಿದ್ದಡೇನು? ಭವಭವಾಂತರದಲ್ಲಿ ಬಹುದು ತಪ್ಪದು ನೋಡಾ ಅಪ್ರಮಾಣಕೂಡಲಸಂಗಮದೇವಾ.

Transliteration Sthala Comment None