ಶಿವಭಕ್ತಿ ಸಂಗದಿಂದಾದುದಲ್ಲ.
ಸಪ್ತಸ್ವರದಿಂದ ನುಡಿವ ನುಡಿಯಲ್ಲ.
ಉಷ್ಣದಿಂದಾಗುವ ಗಮನದಿಂದ ನಡೆವ ನಡೆಯಲ್ಲ.
ಜೀವನ ಸಂಗಸುಖದಲಾದ ಜೀವಾತ್ಮನಲ್ಲ.
ರೇಚಕ ಪೂರಕ ಕುಂಭಕವೆಂಬ
ಸ್ತ್ರೀಯರ ಉಚ್ವಾಸ ನಿಶ್ವಾಸವೆನಿಸಿಕೊಂಬುದಲ್ಲ.
ಸಪ್ತವ್ಯಸನ ಉದರಾಗ್ನಿ ಉಳ್ಳುದಲ್ಲ.
ಅಜನಾಳ ಸೋಹೆಯಲ್ಲಿ ಸುಳಿವುದಲ್ಲ.
ಸತಿಪುರುಷರ ಮಥನದಿಂದಾದುದಲ್ಲ.
ಮಹಾಘನವು ತನುವಿಡಿದು ನಿಂದ ನಿಲವ, ಮಹವೆಂದೇ ಕಾಬುದು.
ಜಂಗಮ ನೋಟ, ಪ್ರಸಾದ ತದ್ಗತ.
ಆವ ವರ್ಣವೂ ಇಲ್ಲದ ಭಕ್ತ, ಕಲಿದೇವನಿಂದಲಾದನು.
Art
Manuscript
Music
Courtesy:
Transliteration
Śivabhakti saṅgadindādudalla.
Saptasvaradinda nuḍiva nuḍiyalla.
Uṣṇadindāguva gamanadinda naḍeva naḍeyalla.
Jīvana saṅgasukhadalāda jīvātmanalla.
Rēcaka pūraka kumbhakavemba
strīyara ucvāsa niśvāsavenisikombudalla.
Saptavyasana udarāgni uḷḷudalla.
Ajanāḷa sōheyalli suḷivudalla.
Satipuruṣara mathanadindādudalla.
Mahāghanavu tanuviḍidu ninda nilava, mahavendē kābudu.
Jaṅgama nōṭa, prasāda tadgata.
Āva varṇavū illada bhakta, kalidēvanindalādanu.
