ಸುಳಿದು ಸುತ್ತುವ ವಾಯುವಿಕಾರದ

ಸುಳಿದು ಸುತ್ತುವ ವಾಯುವಿಕಾರದ ಸಂಸಾರದ ಸುಳುಹು, ಕಾಯವಿಕಾರದ ಕಟ್ಟಳೆ, ಮನೋವಿಕಾರದ ಮಾಯೆ, ಕಾಮವಿಕಾರದ ಕಾಳರಕ್ಕಸಿ, ಇಂದ್ರಿಯವಿಕಾರವೆಂಬ ಹುಚ್ಚು ಶುನಿಗಳು, ಭಾವವಿಕಾರವೆಂಬ ಭ್ರಮೆ- ಮೊದಲಾದ ಷಡ್ವಿಕಾರಂಗಳಿಗಾಸ್ಪದವಾದ ವಾಯುವಿಕಾರದ ವ್ಯವಹರಣೆಯುಳ್ಳನ್ನಕ್ಕ, ಅರಿಯೆನರಿಯೆ ನೆರೆ ಶಿವಪಥವ. ಗುಹೇಶ್ವರಲಿಂಗದ ನಿಜವನರಿದ ಬಳಿಕ, ಅರಿಯೆನರಿಯೆ ಲೋಕದ ಬಳಕೆಯ.

Music Hindi Transliteration Comment None