ಕಟ್ಟಿದೆ ಘಟದಟ್ಟೆಯ ಹೊಲಿದು,
ಇಕ್ಕಿದೆ ಚತುರ್ವಿಧದ ನಾಲ್ಕು ಗುಂಟವ ಬಲಿದು.
ಗುಂಟದ ದ್ವಾರದಲ್ಲಿ, ಉಭಯಸಂಚದ ಬಾರ ತೆಗೆದು,
ತೊಡಕು ಬಂಧವನಿಕ್ಕಿ,
ಅಡಿಯ ಬಿಡದಂತೆ, ಹಿಂದಣ ಮಡ ಮುಂದಣ ಉಂಗುಷ್ಠಕ್ಕೆ
ಒಂದನೊಂದು ಜಾರದಂತೆ ಬಂಧಿಸಿ,
ಸಕಲೇಂದ್ರಿಯವೆಂಬ ಉಭಯವ ಸಂಧಿಸಿ ಕುಣಿಕೆಯನಿಕ್ಕಿ,
ಕಾಮದ ಒಡಲ ಮಾದಿಗ ಬಂದೆ,
ಘಟ ತೋಕುಳು ತೊಗಲು ಹದಬಂದಿತ್ತು.
ಹೊತ್ತು ಹೋದಿಹಿತಣ್ಣಾ. ಮೆಟ್ಟಡಿಯ ಕೊಂಡ ರೊಕ್ಕವ ಕೊಡಿ.
ಒಪ್ಪಿದರಿರಲಿ, ಒಪ್ಪದಿದ್ದಡೆ ಮೂರು ಮುಖದಪ್ಪಗೆ ಕೊಟ್ಟೆಹೆ.
ತಪ್ಪಡಿಯ ಮೆಟ್ಟೆ ಹೋಗುತ್ತಿದ್ದೇನೆ,
ಚನ್ನಯ್ಯಪ್ರಿಯ ಧೂಳನ ಧೂಳಿಗೊಳಗಾಗಿ.
Art
Manuscript
Music
Courtesy:
Transliteration
Kaṭṭide ghaṭadaṭṭeya holidu,
ikkide caturvidhada nālku guṇṭava balidu.
Guṇṭada dvāradalli, ubhayasan̄cada bāra tegedu,
toḍaku bandhavanikki,
aḍiya biḍadante, hindaṇa maḍa mundaṇa uṅguṣṭhakke
ondanondu jāradante bandhisi,
sakalēndriyavemba ubhayava sandhisi kuṇikeyanikki,
kāmada oḍala mādiga bande,
ghaṭa tōkuḷu togalu hadabandittu.
Hottu hōdihitaṇṇā. Meṭṭaḍiya koṇḍa rokkava koḍi.
Oppidarirali, oppadiddaḍe mūru mukhadappage koṭṭehe.
Tappaḍiya meṭṭe hōguttiddēne,
cannayyapriya dhūḷana dhūḷigoḷagāgi.
