ತೊಗಲಚೀಲದಲ್ಲಿ ಪರಶಿವನಿದ್ದಾನೆಂದು
ಪೊಡವಿಯ ಮೃಡಭಕ್ತರೆಲ್ಲ ನುಡಿವುತಿಪ್ಪರು.
ಇದ ನಾ ನುಡಿಯಲಂಜುವೆ.
ಹಡಕಿಯ ಕೊಳಕಿನ ತೊಗಲ ಹೊದಿಕೆಯ ಹೊರೆಯೊಳಗೆ
ಅರಸಿ ಕಂಡಿಹೆನೆಂಬ ಕುರುಕರ ನೋಡಾ.
ಅರಿವಿಡೆ ತೆರಹಿಲ್ಲ, ಕುರುಹಿಡುವದಕ್ಕೆ ನೆರೆ ನಾಮವಿಲ್ಲ.
ಅರಿದಡೆ ತಾನೇ, ಮರೆದಡೆ ಮಾಯೆ.
ಇದಕ್ಕೆ ಬಿಡುಗಡೆಯಿಲ್ಲ.
ಮೃಡನ ಮುಂಡಿಗೆಯ ಹಾಕಿದೆ, ಎತ್ತುವ ಕಡುಗಲಿಗಳ ಕಾಣೆ.
ಎನ್ನೊಡೆಯಾ ಎನ್ನ ಬಿಡದಿರಾ, ನಿಃಕಳಂಕ ಮಲ್ಲಿಕಾರ್ಜುನಾ.
Art
Manuscript
Music
Courtesy:
Transliteration
Togalacīladalli paraśivaniddānendu
poḍaviya mr̥ḍabhaktarella nuḍivutipparu.
Ida nā nuḍiyalan̄juve.
Haḍakiya koḷakina togala hodikeya horeyoḷage
arasi kaṇḍ'̔ihenemba kurukara nōḍā.
Ariviḍe terahilla, kuruhiḍuvadakke nere nāmavilla.
Aridaḍe tānē, maredaḍe māye.
Idakke biḍugaḍeyilla.
Mr̥ḍana muṇḍigeya hākide, ettuva kaḍugaligaḷa kāṇe.
Ennoḍeyā enna biḍadirā, niḥkaḷaṅka mallikārjunā.
