ಆಚಾರದನುವಳವಟ್ಟು, ಕರಣಂಗಳನುಡುಗಿ,
ತನುವ ಸವೆವುದು ಗುರುವಿನಲ್ಲಿ.
ವ್ರತನೇಮಂಗಳಿಂ ಪಲ್ಲಟವಿಲ್ಲದೆ,
ಮನವ ಸವೆವುದು ಲಿಂಗದಲ್ಲಿ.
ಆಶೆ ರೋಷಗಳಿಲ್ಲದೆ ಆದರಣೆಯಿಂ
ಧನವ ಸವೆವುದು, ಜಂಗಮದಲ್ಲಿ.
ಇಂತೀ ತ್ರಿವಿಧದಲ್ಲಿ ತ್ರಿವಿಧ ಸವೆದು
ಪ್ರಳಯಪ್ರಕೃತಿಗೊಳಗಾಗದೆ,
ಸುಜ್ಞಾನಮುಖದಿಂ ಪ್ರಸಾದವ ಹಿಂಗದೆ ಗ್ರಹಿಸಿಪ್ಪ
ಭಕ್ತನನೇನೆಂದುಪಮಿಸುವೆನಯ್ಯಾ,
ಸೌರಾಷ್ಟ್ರ ಸೋಮೇಶ್ವರಾ.
Art
Manuscript
Music
Courtesy:
Transliteration
Ācāradanuvaḷavaṭṭu, karaṇaṅgaḷanuḍugi,
tanuva savevudu guruvinalli.
Vratanēmaṅgaḷiṁ pallaṭavillade,
manava savevudu liṅgadalli.
Āśe rōṣagaḷillade ādaraṇeyiṁ
dhanava savevudu, jaṅgamadalli.
Intī trividhadalli trividha savedu
praḷayaprakr̥tigoḷagāgade,
sujñānamukhadiṁ prasādava hiṅgade grahisippa
bhaktananēnendupamisuvenayyā,
saurāṣṭra sōmēśvarā.
