ಎಂಬತ್ತುನಾಲ್ಕು ಲಕ್ಷ ಜೀವಜಂತುವಿನೊಳಗಿಪ್ಪ ಆತ್ಮನು
ಏಕಾತ್ಮನೊ, ಹಲವಾತ್ಮನೊ, ಬಲ್ಲಡೆ ನೀವು ಹೇಳಿರೆ?
ಅನಂತಕೋಟಿಬ್ರಹ್ಮಾಂಡದೊಳಗಿಪ್ಪ ಬ್ರಹ್ಮವು
ಏಕಬ್ರಹ್ಮವೊ, ಅನಂತಬ್ರಹ್ಮವೊ, ಬಲ್ಲಡೆ ನೀವು ಹೇಳಿರೆ?
ಬ್ರಹ್ಮಾಂಡವೊಂದು ತತ್ತಿ ಒಡೆದು,
ಬಹಿರಾವರಣವಾದಲ್ಲಿ ಆ ಬ್ರಹ್ಮವು ಹೋಗಿ
ಮತ್ತೊಂದು ಬ್ರಹ್ಮಾಂಡದಲ್ಲಿ ಹೊಕ್ಕುದ ಕಂಡಡೆ,
ಕಂಡು ಬಲ್ಲವರು ನೀವು ಹೇಳಿರೆ.
ಗಂಧರ್ವಪಟ್ಟಣದಲ್ಲಿ ಹುಟ್ಟುವ ಬಹು ಬಣ್ಣವ ಬಲ್ಲರೆ ಬಲ್ಲ.
ಆಕಾಶಕ್ಕಡರಿದ ವಿಹಂಗನ ಮಾರ್ಗವ ಬಲ್ಲರೆ ಬಲ್ಲ.
ಸೌರಾಷ್ಟ್ರ ಸೋಮೇಶ್ವರಲಿಂಗದ ನಿಜವ ಬಲ್ಲರೆ ಬಲ್ಲ.
Art
Manuscript
Music
Courtesy:
Transliteration
Embattunālku lakṣa jīvajantuvinoḷagippa ātmanu
ēkātmano, halavātmano, ballaḍe nīvu hēḷire?
Anantakōṭibrahmāṇḍadoḷagippa brahmavu
ēkabrahmavo, anantabrahmavo, ballaḍe nīvu hēḷire?
Brahmāṇḍavondu tatti oḍedu,
bahirāvaraṇavādalli ā brahmavu hōgi
mattondu brahmāṇḍadalli hokkuda kaṇḍaḍe,
kaṇḍu ballavaru nīvu hēḷire.
Gandharvapaṭṭaṇadalli huṭṭuva bahu baṇṇava ballare balla.
Ākāśakkaḍarida vihaṅgana mārgava ballare balla.
Saurāṣṭra sōmēśvaraliṅgada nijava ballare balla.
