ಕಾಯವೆ ಜೀವವೊ? ಜೀವವೆ ಕಾಯವೊ?

ಕಾಯವೆ ಜೀವವೊ? ಜೀವವೆ ಕಾಯವೊ? ಕಾಯವಳಿದಲ್ಲಿ ಜೀವವಳಿವುದೊ ಉಳಿವುದೊ? ಬಲ್ಲವರು ನೀವು ಹೇಳಿರೆ! ಪ್ರಾಣವು ಲಿಂಗವು ಬೇರಿಪ್ಪುದೊ? ಬೆರಸಿಪ್ಪುದೊ? ಬಲ್ಲಡೆ ನೀವು ಹೇಳಿರೆ. ಪ್ರಾಣಲಿಂಗ ಲಿಂಗಪ್ರಾಣವೆಂಬ ಸಂದು ಸಂಶಯವಳಿದು ಶುದ್ಧವಿದ್ಯಾತೀತ ನೀನೇ. ನಿಜನಿರ್ಣಯ ನಿಃಪತಿಯಾಗಿ, ಕಾಯ ಜೀವದ ಭೇದವಳಿದು ಜೀವ ಪರಮನೆಂಬುಭಯವಳಿದುಳಿದು ಒಳ ಹೊರಗೆಂಬ ಕುಳವಳಿದಾತ ನೀನೇ ಸೌರಾಷ್ಟ್ರ ಸೋಮೇಶ್ವರಾ.

Music Transliteration Comment None