ಗಗನದ ಪುತ್ಥಳಿ ಬಯಲ ಬಣ್ಣವನುಟ್ಟು.
ಅಂಜನದ ತಿಲಕವನ್ನಿಟ್ಟು, ಬ್ರಹ್ಮ ವಿಷ್ಣು ರುದ್ರರನಲಂಕರಿಸಿಕೊಂಡು
ತ್ರಿಜಗದೊಳಗೆ ತನ್ಮಯವಾಗಿ ಸುಳಿಯಿತ್ತು ನೋಡಾ.
ಇಂತಿದನರಿಯದೆ ಜಗದೊಳಗಣ ಹಿರಿಯರೆಲ್ಲಾ
ಬರುಸೂರೆ ಹೋದರು.
ಮಾತಿನ ಜಾಣರೆಲ್ಲಾ ನಿಜಗೆಟ್ಟರು.
ಇದನರಿತು ಉಟ್ಟುದ ಹರಿದು, ಇಟ್ಟುದ ಸುಟ್ಟು,
ತೊಟ್ಟುದ ತೊಡದು, ಉಲುಮೆಯನುಸುರಲೊಲ್ಲದೆ,
ಶಬ್ದಮುಗ್ಧವಾದ ಸೌರಾಷ್ಟ್ರ ಸೋಮೇಶ್ವರಾ, ನಿಮ್ಮ ಶರಣ.
Art
Manuscript
Music
Courtesy:
Transliteration
Gaganada put'thaḷi bayala baṇṇavanuṭṭu.
An̄janada tilakavanniṭṭu, brahma viṣṇu rudraranalaṅkarisikoṇḍu
trijagadoḷage tanmayavāgi suḷiyittu nōḍā.
Intidanariyade jagadoḷagaṇa hiriyarellā
barusūre hōdaru.
Mātina jāṇarellā nijageṭṭaru.
Idanaritu uṭṭuda haridu, iṭṭuda suṭṭu,
toṭṭuda toḍadu, ulumeyanusuralollade,
śabdamugdhavāda saurāṣṭra sōmēśvarā, nim'ma śaraṇa.
