ಚಕ್ರೋದ್ಧರಣದ ಬಹಿರಾವರಣದ
ತಮೋಗುಣದಲ್ಲಿ ಏಕಾಕ್ಷರವದೆ,
ತೃತೀಯಾವರಣದಲ್ಲಿ ಸತ್ವಗುಣದಲ್ಲಿ ನಾಲ್ಕಕ್ಷರವವೆ,
ಇಂತೀ ಪಂಚಾಕ್ಷರವೆ ಶಿವನ ಪಂಚಮುಖದಲ್ಲಿ ಅವೆ.
ಅಂಗೋದ್ಧರಣದ ಬಹಿರಂಗದಲ್ಲಿ ಅವೆ,
ಲಿಂಗೋದ್ಧರಣದ ಅಂತರಂಗದಲ್ಲಿ ಅವೆ,
ಲಿಂಗಾಂಗಸಂಗದಿಂದೊಳಹೊರಗೆ ತೆರಹಿಲ್ಲದವೆ.
ತವರ್ಗದ ಕಡೆಯಿಲ್ಲದೆ, ಪವರ್ಗದಂತ್ಯದಲ್ಲಿದೆ,
ಶವರ್ಗದ ಮೊದಲಲ್ಲದೆ, ಯವರ್ಗದ ತುದಿಮೊದಲಲ್ಲವೆ.
ಸೌರಾಷ್ಟ್ರ ಸೋಮೇಶ್ವರಲಿಂಗವಿದೆ,
ಅರಿತು ಜಪಿಸಿರಯ್ಯಾ ಪಂಚಾಕ್ಷರವ.
Art
Manuscript
Music
Courtesy:
Transliteration
Cakrōd'dharaṇada bahirāvaraṇada
tamōguṇadalli ēkākṣaravade,
tr̥tīyāvaraṇadalli satvaguṇadalli nālkakṣaravave,
intī pan̄cākṣarave śivana pan̄camukhadalli ave.
Aṅgōd'dharaṇada bahiraṅgadalli ave,
liṅgōd'dharaṇada antaraṅgadalli ave,
liṅgāṅgasaṅgadindoḷahorage terahilladave.
Tavargada kaḍeyillade, pavargadantyadallide,
śavargada modalallade, yavargada tudimodalallave.
Saurāṣṭra sōmēśvaraliṅgavide,
aritu japisirayyā pan̄cākṣarava.
