ತನುಗುಣ ಮನಗುಣ ಪ್ರಾಣಗುಣಾದಿಗಳಲ್ಲಿ ಹುದುಗಿದಡೆ,
ಪಂಚೇಂದ್ರಿಯ ಅರಿಷಡ್ವರ್ಗಂಗಳೊಳು ಮನ ಕೂರ್ತು ಬೆರಸಿದಲ್ಲಿ,
ಆ ಮನದ ಹಸ್ತದಲ್ಲಿ ಲಿಂಗವಿಲ್ಲ.
ಲಿಂಗವಿಲ್ಲವಾಗಿ ಭಕ್ತಿಯಿಲ್ಲ, ಭಕ್ತಿಯಿಲ್ಲವಾಗಿ ವಿವೇಕವಿಲ್ಲ,
ವಿವೇಕವಿಲ್ಲವಾಗಿ ಅರಿವಿಲ್ಲ, ಅರಿವಿಲ್ಲವಾಗಿ ಸುಜ್ಞಾನವಿಲ್ಲ,
ಸುಜ್ಞಾನವಿಲ್ಲವಾಗಿ ಪರಮಾರ್ಥ ಘಟಿಸದು.
ಇವೆಲ್ಲವ ಕಳೆದುಳಿದಲ್ಲಿ ಮನದ ಹಸ್ತದಲ್ಲಿ ಲಿಂಗವಿದ್ದಿತ್ತು,
ಲಿಂಗದಲ್ಲಿ ಮನ ಸಂದಿತ್ತು,
ಮನ ಸಂದಲ್ಲಿ ಸೌರಾಷ್ಟ್ರ ಸೋಮೇಶ್ವರ ಸ್ವಸ್ಥಿರವಾದನು.
Art
Manuscript
Music
Courtesy:
Transliteration
Tanuguṇa managuṇa prāṇaguṇādigaḷalli hudugidaḍe,
pan̄cēndriya ariṣaḍvargaṅgaḷoḷu mana kūrtu berasidalli,
ā manada hastadalli liṅgavilla.
Liṅgavillavāgi bhaktiyilla, bhaktiyillavāgi vivēkavilla,
vivēkavillavāgi arivilla, arivillavāgi sujñānavilla,
sujñānavillavāgi paramārtha ghaṭisadu.
Ivellava kaḷeduḷidalli manada hastadalli liṅgaviddittu,
liṅgadalli mana sandittu,
mana sandalli saurāṣṭra sōmēśvara svasthiravādanu.
